Related Articles
Khah SAC ralkap zong hi a kenkip in cawlcangh dawh an si cang. Zeitindah mipi thinlung kan laak khawh lai timi lawng an i tim ve. Hakha khuasamhnak kong zongah inn hmun a ting khun mi an um tiah kan theih.
Cu Khuasamhnak ah inn hmung a tingco mi pawl cu hmun catlap an pek hna tiah kan theih i hi a tingco mi milu zat hi 246 an si. Nihin zinglei suimilam 9:00 hrawngah khan catlap cu Chin ramkulh cozah meeting room ah phawtzamh an si tiah theih a si.
The Chin Journal nih cun ti hin an langhter “Hakha Khuasamhnak Innhmun a Tingmi pawl SAC nih Hmun Catlap an Pek Hna. Hakha khuasamhnak hmun Acre 676.45 chung ah innhmun a tingcomi minung 246 cu nihin zinglei sml. 9:00 ah SAC nih innhmun catlap (မြေစာရင်းပုံစံ – ၁၀၅/၁၀၆) an pek hna. Innhmun catlap peknak cu Chin ramkulh cozah zung meeting room ah an tuah, tiah kan theih.” ti’n an rak langhter ning cu a si.
A Dang Reltthan: 𝗧𝘂𝗹𝗶𝗼 𝗮𝗵𝗵𝗶𝗻 𝗮𝗵𝗼𝗱𝗮𝗵 𝗮 𝘁𝗵𝗶𝗹 𝗿𝗶𝘁𝗯𝗶𝗸 𝗵𝗻𝗴𝗮? 𝗔𝗵𝗼𝗱𝗮𝗵 𝗮 𝗿𝗲 𝘁𝗵𝗲𝗶𝗯𝗶𝗸 𝗵𝗻𝗴𝗮? Uknak ṭha lo ruang ruang ah tonmi tlaihkhih le thahnawn a tongmi hna maw, Kuvid mizaw le an chungle dah? Kan sining hoih cio in ai dang lengluang hna lai. Asinain an tahchunh Nau-ngan fah bantuk in kan miphun nih fahnak le harnak kan ton cuahmah lio a si.
Mah caan ahhin zeitindah kan i hnemh hna lai, cun zeitindah thazaang kan i pek hna lai le kan i bawmh la? Kut a samh khomi hna nan bansau chin ko seh, law thluachuah tu dong camcin ko uh. Zumtu kan si bantuk in mi a bawm peng khomi ah Pathian nih thlua in chuah chinchin ko hna seh ti hi kan thlacamnak a si.
Cuti a si ne ah, santlai lo mihar le neihchiah a nei be lomi hna, khua chuahtak nakding zong a nei lomi hna le paracetamol te hmanh ai cawk kho ve lomi hna teh zeitindah an si ne la? Oxygin cawknak a nei ko nain cawk ding a um lo tikah teh, zeitin a si ne la? Nu le pa, u le nau hna chawnbia manh lo in an liam tikah teh?
Kan tonmi ai dang cio hna la. Sihmanhsehlaw, ka ngakchiat lio i a rak lar tukmi atu ah cun an chim ka theih tuk ti lo nain zeitik hmanh ah ai thleng lomi Jesuh biate hin thazaang lak ṭhan hna u sih; «Rethei le thilrit mi vialte hna, ka sinah ra tuah u, dinhnak kan pek hna lai.»
(Matthai 11:28) Mah bia hi biaknak dang pathian hna nih cun an chim ka thei ballo. Ca ka rel khawh hnu, vawleicung IT ṭhancho lio ah a ṭhanglianmi ka si le hi bia cu Jesuh lawng nih a chim ka theih. Bawipa cung ah lawm lo in ka um kho lo. Cucaah ka lungthin re a theih caan le ka tonmi thil a rih tuk tikah Bawipa cu ka fuh le ka thilrit kha a chawn hrimhrim ko ti hi tehte khan ding tampi ka nei.
Bawipa kan fuh a si ahcun kan thilrit a kan chawn lawng si loin duhdim nun a kan pek. A um lomi kha a umter. Abraham nih «Bawipa nih a khan ko.» a ti le cu a fapa Pathian sin pek ding ah a timhnak tlang cu nihin tiang, «Bawipa tlang ah cun Bawipa nih khan ko, an ti tawn.»
(Gen. 22). Pathian nih hin zeibantuk dirhmun kan phanh hmanh ah Ka sin ah ra hna seh ti a duh. Cun kan sining le dirhmun a theih ko nain a sin i thlacam le Amah fuhpanh kha a hngak peng ko. Kanmah nih Amah kan hngahmi nakin Amah tu nih zeitik ahdah ka fale hi lungtak le thinlung dihlak in ka sin an fuh lai le ka khamh hna lai, ka bawmh hna lai le ka hlawm hna lai ti kha a hngak (ka rak ṭial cang kha sau nawn in cabia pakhat ah).
Ihkhun cung ah maw, ihkhun pawng ah maw, ramtang in maw, ram dangdang in maw, atu ahhin na retheihnak le na thilrit vialte cu Bawipa Jesuh chim law lungdaihnak le hnangamnak an pek la, na thilrit vialte an chawn la timi hi Jesuh bia a si. Harnak le lungretheihnak kan ton lio ah Pathian fa ka si ti philh loin Bawipa duhnak kha kawl ahcun khuaruahhar thil kan hmuh tawn. Daihnak nan cung um cio ko seh. Jesuh min in thilrit kan i chawng. Pathian thangṭhat si ko seh. Si Bawimang Lian
