Related Articles
Ralkap nih rampi huapin buainak a ngei lio mi tthenkhat an ngaihthiam mi thongtla 4000 renglo cu July 21 in an thlah zalen hna i thongtla an chuahmi hna dihlak ah 4297 an si timi kongkau cu an rak tarlangh.
Mon ramkulh ah cun ralkap nih buainak ngeimi an ngaihthiam hnuah thonginn in an chuah zalenmi 300 an um i July 22 in July 27 tiang chuah zalen an si. Irrawady ramtthen Pathein khuapi zongah thongtla 187 cu July 27 ah thonginn in chuah zalen an si. Tubantukin Myanmar ram chung hmun kipah thongtla pawl chuah zalen caamcin an si hna.
Myanmar ralkap nih July 20 ah ram chung hmun kipah thongtla tampi an chuah zalen hna lai timi kong an rak chuah. Mah cucu nawlngeihnak an laak hlan ah buainak ngeimi tthenkhat an rak ngaihthiam cang mi hna an si. An ngaihthiam mi pawl hna cu mifir, ram kongah a buaimi, lawngkasa, rithaisii, hriamnam, taksa aa zuarmi,a thli tein thil a tuahmi tibantuk deuh lawngte an si hna.
Pathein myone zung nih cun “ram chung thongtla tthenkhat pawl chuah zalen an si timi cu biadik/ahman mi a si i Pathein zongah a chuakmi tampi an um. Thonginn in chuah zalen an si hlanah anmah puaipitu sihni pawl Court ah kawh an si i an chuah hlanah an buaimi pawl cu felfai tein tuah ta a si. Cu hnu lawngah thlah zalen an si hna” tiah a chim.
Ralkap nih cun an chuah pah hna ah hibantuk in buainak a ngeihmi tthenkhat an ngaihthiam mi hna cu tulio ram chung i a karh taktakmi Covid-19 zawtnak dohnak hrang le Covid-19 zawtnak ruangah Court ah kal khawh a si lo i an buainak pawl cu caan saupi a rauh ding an zaangfah hna ruangah a si timi kong zong an rak tarlangh chih.
A Dang Reltthan: Rungtawban ei usih! Atulio COVID-19 hi thi-khal (blood clot) le cuap (lungs) he a vun i pehtlai ngai mi a si. Cuap caah Rungtawban hi a tha tuk hringhran.
Rungtawban ah aa tel mi Bromelain nih fahnak le phinnak pawl a damter khawh. Cuap thlibawm zong a thazaang a thawnter. Abik in thi-khal ding mi kha tampi a kham khawh. COVID-19 hnuzul zong thi-khalnak ruang ah thih a si. COVID-19 in damka ah ruahlopi in thih a um tawn mi khi COD ah thil a khal ca ah a si.
Ihkhun cung ah sau tuk kuah/um, cawlcangh tlawm tibantuk le cuap phin tibantuk ruang ah thi-khal a si tawn. Cucaah Rungtawban i Bromelain nih thi-khal kha tampi a kham khawh.
A biapi bak mi cu Rungtawban chung i amu (fung) khi eichih hrimhrim ding a si lai. Aruang cu amu ah Bromelain tam bik a um ca ah a si. Rungtawban tampi in ei khawh i zuam usih! Credit: The Hakha Times
