Related Articles
India ah Kuvid in 4.7million hrawng hi January 2020 in June 2021 kar ah an thi tiah an tuak. Tu kum January in June tiang minung tamtuk a nawngtu Delta-variant nih minung sing li a thah tiah Cozah nih a thanh nain a let hra deng in a si tiah an tuak.
A ruang cu India hi minung 1.4 billion hrawng an si le mithi kha Register an rak i tuah tuk lem lo, a bikin Kuvid in thimi. Million pa khat hrawng umnak khua i ni khat ah minung 3000+ te hna an van i khangh cu a tam ko. Mah cu Delta-variant cu Kawlram a phanmi a si i ram tampi a phan cang ti a si.
Yangoon hi a luancia ni hnih/thum kha ni khat ah 1000+ lengmang an thi an ti, nain cu nak zong cun a tam khomi a si le Rampi huap cun thong-sawm in zarh khat ah an thi la tiah ka ruah. Atu hi hriamtlai phu pawl an Camp tete zong ah an zaw ngai hna ti a si.
Mah zawtnak hi pakhatnak ah i ven ding, NUG siseh hriamtlai phu hna nih nawl an ngeihnak hmun ah Stay Home/ Lockdown an chuah ahcun a tha ngaimi a si. Mah lo ahcun Laimi tamtuk kan thi lai. Nawl zong rak ngai u, sang kip le khuakip chuahmi phung zulh rak i zuam cio u. Pathian nih in umpi cio ko hna seh. Credit: Si Bawimang Lian
A Dang Reltthan: Changreu Hi Rawl Ah Hmang Loin Rawl Ah Canter (Not By Using But By Making Bread Into Food) Bible ah changreu(Bread) le Rawl (Food) timi biafang tete kan hmuh len. Changreu hi rawl a si maw ti biahalnak um selaw a lettu cungah ai hngat hnga. Rawl ah ai rinh ahcun a caah rawl a si ve ko.
Rawl ah ai rinh lo bel ahcun ei supsap ttaamdawn thil a si hnga i rawl a si lo ti khawh a si hnga. Kei zong changreu cu zeizah hmanh ka ei zong ah rawl ei ah kai ruat lo, a ruang cu rawl ah kai rinh bal lo. Buh le meh lawng hi ka rawl ah kai hman ko. Bible ah Bawipa Thlacamnak khi kan rel lengmang ciomi a si.
Mirang in Bread (changreu) a ti i Lai in Changreu he rawl he a leh. Food a ti hnga lo aw ka ti, changreu cu rawl ah ai rinh kho ve lomi ka caah cun a buai ngai. Bread hi kai za in ka di a riam deuh lo. Give us our daily BREAD ti nakin Give our daily food ti khi ka duhning phun a si.
Changreu hi rawl ah ai rinhmi caah cun Rawl a va si ko. Tipil petu Johan zong khaubok le khuatizu kha rawl ah ai hman i a caah rawl an si ko. Rawl ah kan i rinhmi zei poah kha kan caah rawl an si ko. Jesuh lio chan minung zong nih Bread hi an caah Food (rawl) ah an i hman caah a si kho. Asinain Changreu lawng ai khimh kho ve lomi nih Food timi biafang Jesuh nih a hmannak a um maw tiah ka kawl len le pakhat ka hmuh.
Samaria nu he bia an i ruahnak ah khan minu he bia an i ruah hnu ah a zultu nih ‘Midang dang eiawk rawl an pek le hlah maw si tiah an i ruah supmap lio ah Jesuh nih a lehnak ah khan, Johan 4:34 “My food,” said Jesus, “is to do the will of him who sent me and to finish his work. timi ka hmuh ko.
Ka ruahmi cu Jesuh nih hin Bread (Changreu) hi rawl(Food) ah ai ser ve lem lo hi teh, a rawl taktak a rak um ve ko. Pathian Bia (Bread- Changreu) hi kan rawl taktak a si rih lo Rawl taktak cu Bawipa duhnak tuah hi pei a si cu, Pathian bia hi a reltu le a theitu dirhmun dirhmun lawngah kan khim ahcun a si deuh hnga lo, Pathian bia hi a tuah tu in kan tuah awk tu a si deuh tiah James Cakuat ah kan hmuhmi hi Rawl taktak cu a rak si hi teh.
Nifatin kan eimi thlarau changreu(Bread)hi rawl taktak si rih lo in rawl taktak a simi Pathian duhnak tuah tu hi Rawl ah kan i ser awk a rak si hi teh, Nifatin ei awk ah thlarau changreu Pathian bia kan herh cu Rawl taktak a simi Pathian duhnak kan tuah khawh nakhnga thazaang a kan petu a rak si deuh.
Changreu hi(Pathian bia) Rawl ah i rinh loin Pathian fialmi le duhnak tuah tu hi kan rawl ah i ser cio ve u sih law Changreu(Pathian Bia) tu hi Amah duhnak kan hngalh nakhnga le kan tuah khawh nakhnga a kan cawnpiaktu le thazaang a kan petu, fin a kan chimtu ah kan i ser ding hi Changreu rawl ah ai rinh kho lomi dihlak thazaang pek kan duh vemi hna a si. Bawipa nih Sunparnak co ko seh! Kai lawm. Credit: Jehu Ukte
