Related Articles
Ralhrang Nih Thahmi Mino Pali An Ruak Um Lo Nain Vuinak An Tuah Tamu pengkomh,Myothit pawng Nawnkat khua(Zalenphai Village) ah mino 6 cu July 10 zan suimilam 10 ah ah ralhrang rallokap nih an kah hna i,hmunri ah mino 2 an nunnak liam 3 cu an tlaih hna i pahnih an nunnak a liam than.
Pakhat cu July 12 ah a paw meithal kuan hliam he an thlah than. A nunnak a liammi mimung pa 4 hna cu Ngan Cin Pau kum 23, Pao Gin Mang kum 18, Mang Gao Hao kum 17, Dou Kho Lel kum 16 hna an si. An ruak hi chungkhar sinah an pe hna lo i ralhrang nih an riahbuk ah an vui hna. Cu ruangah ruakvui nak cu anmah pumsa tel lo in nihin July 13 ah an tuah hi a si. Credit: The Chin Post
A Dang Reltthan: Kawlram cu kan theih cio bantukin ralkap nih nawlngeihnak an laak hnu cun nihin ni tiang dong loin a buai camcin ko. Hriamnam tlai buu hna nih heh tiah doh an si i ralkap leiin a thi mi zong tam lakte an um bantukin tlangcung hriamnam tlai in siseh mipi hriamnam tlai zongin a nunnak liam mi an tlawm ve ti lo.
Pinah Covid-19 zawtnak nih a tulio Kawlram a buaihnawh cingling a si hoi. Doh ding phun hnih bakin a vun chap tikah Kawlram kong ruah ahhin cun lungre a thei hringhran ko. Covid in a thi mi zong tam lakte an um cang i Chin miphun huap zongin siseh a nunnak a liam mi an tam ngaingai, bochanmi hna le Biaknak ah hruaitu deuhdeuh timi zong a thimi an tlawm ti lo.
Suimilam 24 chungah zawtnak thar an hmuhmi hna hi an tam taktak i suimilam 24 chungah a thi mi zong ceilak an phan. “A luan cia suimilam 24 chungah Myanmar Ram covid-19 kai thar mi minung 5014 an si i a thi mi 89 an si” tiah ngandamnak lei zung pakhat nih thawng a chuah.
Cu caah Kawlram tu lio boruak cu lungre a thei i thin lawng domh a si ko. Kawl ralkap doh pah, Covid-19 doh pah, zeiti khin hme mipi khua an hei sak hnga ti ruah ah lung a fak hringhran. Thawngpang ttha tu thei kho cang sihlaw zeitluk in dah a va tthat hnga.
