Related Articles
Pathein Khua I Ramkhel Lei Ah Cawlcang Ngai Mi Ko Wine Tun Naing Cu Shwepyita Ah An Tlaih Ayeyarwaddy ramthen, Pathein khua i ramkhel lei ah a cawlcang ngai mi Ko Wine Tun Naing cu June 28 ah Yangon ramthen,Shwepyita peng ah tlaih a si ti’n thawngtheih a si.
Ko Wine Tun Naing cu Pathein ah ralhrang duhlonak langhternak lamzawhnak ah a thihruai tu hna a si tlaih dingin thanhmi a si caah a dup nak ah tlaih a si tiah a hawikom pakhat sinin theih a si.
“Anih hi tlaih dingin thanhmi a si i Yangon ah a hawi inn ah a dup a hawipa zong ramkhel lei ah a cawlcang mi a si caah a hawipa an tlaih ah a nih zong tlaih a si tiah” Ko Wine Tun Naing i hawi pakhat nih a chim. Tlaih a si hnu ah Insin thong ah thlak a si hnu zarhkhat ah zohfel in July 6 ah Pathein palek Sakhan ah an kuat tiah theih a si.
Ralhrang nih nawlngaihnak a lak hnu ah Pathein ah ralhrang duhlo cawlcanghnak ah tlaihmi 100 leng an si tiah khuami cheukhat nih a chim ti’n Ayeyarwaddy_Times nih a langhter. Credit: The Chin Post
A Dang Reltthan: North America vawleitthen chung ah a ummi Haiti rampi President a thattu minung 28 cu July 8 ah an tlaih hna, tiah theih a si.
July 7 zinglei sml. 1:00 hrawng ah Haiti ram khualipi Port-au-Prince khua ah a ummi President inn ah meithal aa kenmi mibu an lut i, President Jovenel Moise (kum 53) le a nupi cu meithal in an kah hna.
President Moise cu meithal kuan 12 in an kah pin ah a mitlung pakhat zong an khoih i a nunnak a liam. A nupi Martine cu hliamhma a pu i Florida sizung ah an thlop hnu ah nunhim in a um. President Moise a thattu minung 28 an tlaihmi hna chung ah minung 15 hi Columbia rammi an si i, a dang minung pahnih hi US citizenship a ngeimi Haiti rammi an si hna.
Haiti Prime Minister Claude Joseph nih, “President Moise hi kan ramchung ziknawh eihmuarnak pawl fak piin a dotu a si. Cu ruang ah cun thah a ton hi a si kho,” tiah BBC ah a chim. Atu tiang ah zei ruang ah dah President Moise thah a ton timi fiang in theih a si rih lo.
Mithattu bu nih President Moise inn an luh hnawh lio ah hin angki nakmi an i hruk hna i US FDA kan si,” tiah an hlen hna. President inn ah rian a ttuanmi minung pahnih an tlaih hna hnu ah President Moise le a nupi an kah hna hi a si.
President Moise i a fale pahnih Jovenel Jr and Joverlein cu an i thup kho i, nunhim in an um tiah BBC nih a langhter. Mithattu hi minung 28 nak tam an si i, a dang a zaammi pawl tlaih khawh ding in an hlathlai cuahmah lio a si. Credit: The Chin Journal
