Related Articles
Kalaymyo Khrihfa Thlanhmun Ah Thlakhat Chungah Miruak 270 Vui An Si. Kalaymyo ah Covid-19 zawtnak a chuahhnu ah Kalaymyo khuachung khrihfa thlanhmun ah June 1 in June 30 thlakhat chungah, miruak 270 vui an si tiah Kalay khrihfa thlanhmun committee phaisa tlai nih cathanh an chuah.
Atam deuh cu Covid zawtnak ngei mi le , Covid zawtnak ngeilai tiah ruahdamh mi an si. Cuchung ah cun, Pathian riantuan mi Rev.(19) le RC Father (3) ,dihlak (22) an i tel. Kalaymyo nunnak a liam mi hna zatuak cun nikhat ah minung 9 an si.
Kalaymyo thlakhat chung nunnak a liam mi ah pa (168) le nu (102) ansi, cuchung ah cun mino (28) zong an i tel ve. Atu langhter mi zong hi, khuapi chung ummi mithi cazin lawng sirih, khuate lei cazin telh asi lo. Kalaymyo ah cun,mah le biaknak cio in thlanhmun an ngei cio. Credit: The Chin Post
A Dang Reltthan: Kawlram buainak cu vawleipi nih theih dih a si ko cang caah tam kan chim ti lai lo. Tutan kan langhter duh bikmi cu Dr Van Ram Uk le Daniel Sakhong, caa an i lehnak kong tu ah a si i mipi hmuh bakah faak ngaingai in an i lehnak cu hmuh cio a si tikah mipi an/kan lau cio.
Cucu zei dah a si tiah cun Daniel Sakhong nih amah facebook timeline ah a ttial mi CNF(Chin Ralkap) nih Battalion pa zeizat dah kan ngeih timi kong le budget kong le ram thumnak um mi nih thawhbur kongah a si “Chin Ralkap =Battalion (25), Kumkhat an budget = $24 millions kan timh lai. Ram(3)nak Chin miphun rianttuantu 20,000 nih thlakhat $100 cio thawhnak in tluangte in a chuak kho.Pathian nih kan Chin miphun caanttha tuk a kan awnh.” ti’n a rak ttial ning cu a si.
Mah ca a ttial mi a tanglei comment nak ah ti hin amah(Daniel Sakhong) nih cun Chin Ralkap kan ngeihmi hna nih kumkhat ah cu zat cu i hmang kho sehlaw timi pehtlaiin ramthumnak um Lai miphun nih thawhbur ah cu zat thawh kho usih law timi cu a rak ttial tthan “Ralkap battalions 25 nih kumkhat budget $24 M an hman khawh ah cun, Burma ramchung hriamtlai bu ah a tthawngbik ah kan ni chuah cawlh lai. KNU an tthawng tuk ee, AA an mak tuk ee ti chim kan hau ti lai lo. Kan duh mi kan tuah khawh cang lai. Ram(3) nak ah Chinmi a tlawmbik 80,000 kan um. 20,000 nih rian kan ttuan. Thlakhat $100 lawng asi rih caah (100×20,000×12=$24m) a si rih, ral nganpi kan tawn sual ah cun thlakhat $200 kan thawh khawh lai. Minung 20,000 nih 200 kan pek ah cun $48 millions a chuak. $48 millions cu Ram pakhat a fa nawn pawl i kumkhat an ralkap budget a si. Chin miphun kan lung aa rual ah cun kan duhmi kan tuah khawh dih” ti’n a rak ttial ning cu a si.
Hi ca a ttialmi a tanglei ah taksa in siseh thlarau in siseh Laimi pa can ah kan i ngeihmi Dr Van Ram Uk nih cun lehnak a rak tuah colh, cu a leh ning cu “Pu Daniel, na Lung na thumh lo ah cun a kan cawi sang tu Bawipa a thin kan hun ter sual lai ti hi ka tih tak tak e. Hi hi a fak tuk mi ngaichih nak ah a kan hruai lai ti ka phang tak tak. Kan pu pa hna cu cawn piak tu tha ngeih lo in Kum 400 Lai tlang ah hruhbik mi hmunhma an rak lak. Na pa, Pu Sa Khong, Lung put cu na thlau cang ko rua tiah ka zumh e. A tu na le kan pa le tang an dawr nak chan khat hmanh a si hlan ah aa pawr hlaw mi Karen kan unau tei na timh cawlh cu ka lai tuk e. Ka ngai thiam ko mu. Na thin kan nun ter sual ah cun. Nan mah hruaitu sang pawl nih pawrhlawt nan thawk cawlh ah cun kan chan cu a fawi ko rua lai. Sorry tak tak a si” ti’n Dr Van Ram Uk nih cun lehnak a tuah ning cu a si.
Cucu Daniel Sakhong nih cun lehnak a tuah colh ve “I pawrhlawt a si lo. Pathian thlachuah kan hmu. Hi hi kan miphun luatnak, tthawnternak, zalawnnak, kan biaknak a himnak ah kan hman lai” ti’n lehnak cu a tuah. Cu ti cun faak ngai cun comment nak ahcun faak pah nawn tein an i let. A Dang an i lehning cu kan rak langhter lem ti lai lo i, cu an i lehnak pawl cu Daniel Sakhong facebook ah relkhawh dingin a um ko caah khan a si.
Ti khan an pahnih cun an i let(reply) lengmang tikah a donghnak ah Dr Van Ram Uk nih cun ti hin a bia a donghter “Pu Daniel, Leh zia le Leh ding mi bia fang ka hmu kho lo i Kum khat te in can rak pe law cun Leh ka zuam lai mu. Question hi ka ca ah a mak tuk e.” ti’n Dr Van Ram Uk nih cun a bia a donghter i Daniel Sakhong zong nih a let ve ti lo.
Note: Hi ca kan rak thlahmi hi keimah ruahnak le phuah chommi si loin a dikmi thil a si cucu fiang tein Daniel Sakhong facebook ah zoh/rel khawh a si. Hi ca kan thlah tikah pakhat le pakhat huatnak caah si loin Lai miphun nih pa can ah kan i ngeihmi hna pahnih dirhmun in a dirmi an si ve tikah, hi ti bia i al/el nak a um mi cu kan thlah ve awk a si ko tiah kan ruah caah a si. Hi ca kan thlahnak thawng hin pakhat le pakhat(Lai miphun huapin) ah lungrualnak le i dawtnak tu leng hram seh. Lawmhnak tampi he.
