Related Articles
Myanmar ralkap ttuan cuahmahmi Salai Thian Lian Ruang(Pa Cik) nih cun zeiruangah dah CDM tuah loin tutiang ralkap a ttuan peng rih timi cu a tanglei bangin Chin mipi hna theih dingin chimfiannak a tuah.
Ralkap Salai Thian Lian Ruang nih cun “Zeiruangah dah CDM ka luh lo? CDM ka luh rihlonak a ruang cu a tanglei ka langhtermi bantukin a si. 2010 thokin USDP le NLD uknak chungah ralkap hi ka ttuan mi a si. Zeibantuk uknak hi dah a ttha deuh tiah chim ding ka ngeih lo bantukin a tthatlonak kong chim ding zong ka ngei ve fawn lo. Kei cu nanmah bantukin pawcawmnak caah chawleh le rianttuan a thiam mi ka si ve lo caah keimah pawcawmnak ca i ralkap ka ttuannak hi a si.
Kawl ralkap hna nih an rianttuan mi cungah ttha tein an ttuan lo caah mipi nih huat ka ton nak zong hi a si. An kan cawnpiakmi chungah mipi hrem ding le thah ding timi kong zeihmanh an kan chim lo. Raldoh ningcang le rampi humhim ningcang tibantuk an kan cawnpiak. Cubantukin kei zong ka pom ve. Ka hmanmi meithal zong nih mipi nunnak a la rih lo. Puahhnawh ding hmanh khi ka ruat bal lai lo. Mipi humhimnak kong lawng hi ka ruah khawhmi cu a si. Nihin ni tiang CDM ka luh lo mi hi mipi nan caah himdamnak a si.
Theihfiannak dingah zanniat lei ram chungah kahdohnak voi 2 kan tong. LumBang le HlanZawl pawng i kahdohnak ah remdaihnak ka tuah khawh ve. Webula ram i kahdohnak kongah remdaihnak chim dingin khuanu khuapa pawl cu ka chawnhbiak ko hna nain DALAAN tiah min an ka phuah i online tiangin a phunphun min an ka sak.Ka tawlrelpi khawh lo caah khua chung mipi hna ttih le phangin an zaam. Nehsawhnak an tuar.
Theihter; Mipi Lei in CDM luh dingah nan lungtling a si ahcun ka lut kho ko. Luh ding ningcang belte zeihmanh ka thei lo. Ka zaam hnuhnu ahcun zeitikhmanhah ralkap cu ka ttuan kho ti lai lo. Salai Thian Lian Ruang(Pa Cik), Khua Lai, Falam Peng, Ph-0936629639, 09425235579″ tiah a tarlangh ning a si.
