Related Articles
Minung kan si bantukin tthan le saan cu a duh mi le kan chunmang cio a si lai dah. Tthenkhat mi van ttha caah cun fawi tein an tthang hna, tthenkhat ve caah cun tthan khawh lo ruangah mi hngar in thinlung a faak tawn. A bikin kum 20 kan van luan hnu ahcun tthan hi a fawi ti lo hmanhsehlaw thil a si kho lo timi belte a si hlei fawn lo. Cu caah a tanglei bantukin kan rak langhter mi ahhin na chanbaunak a um si ahcun tuah khawh rak i zuam law. Zeihmanh taksa caah tthihkheihmi a um lo i fawi tein tuah khawh dihmi an si. Cucu minung pumpaak zong nih tuah cio mi a si tthenkhat nih cun an i hlawk pi ngaingai hna.
1. Ruh Caah A Ttha Mi(Calcium) Ei Tam: Calcium nihhin kan ruhkhua hi a a tthawn ter i punghman tein a cawlcanghter pinah kum 20 luan hnu zongah minung a tthan ter. Thiamsang nih an hmuh ningah tleirawl lio i calcium a chanbau mi hna nihhin minung kan sinak ah punghman tein a tthang ding ko mi zong a kan hrawh tawn. Punghman tein kan tthan khawhnak ding caah calcium a chuahpi mi rawl hna hi kan ei/din a hau ve. Zeibantuk rawl nih dah calcium hi an ngeih khun tiah cun cawhnuk, cawhnuk khal, arti, cheese(Lai in ka thei lo) le thingtheihnah tibantuk ah khin an si hna. Hi pawl kan rak langhtermi hi punghmaan tein kan ei/din piak a si ahcun kan ruh kha a sining tein a cawlcaang ve.
2. Taksa I Dawh/Zam(Stretching): Stretching hi minung kan tthannak caah thil biapi ngaimi pakhat a si ve, kan taksa aa dawh/zam caah tthan zong a fawi. Cucu phun tampi in tuah khawh an si per/zuan, cycle(satbing) mawngh, ti lio(swimming) tibantuk pawl nihhin kan ruh le kan taksa a tthat ter i kan pumrua caah tthan a fawi. Phun dang zongin tuah khawh tthiam a si i mah cu hna cu kan kerek, kan hngawng merh/zam te hna si loah kan taksa/tit kha zam(a fawinak in) tibantuk nih minung kan tthan nak ah thil biapi ngaingai mi an si.
3. Tthut/to Ningcang le Ih ningcang: Ih/thut ningcang a tthat ahcun minung kan tthannak caah thil ttha a chuahpi ngaingai. Thil pakhat khat hngoh buin tthut si loah kut i tlinh i kual nawn in ih tibantuk nihhin kan keng ruangruh nih kan thisen kal ningcang kha ttha tein kan taksa/pum chungah a kal khawh ter ti lo. Mah cucu kan minung kan tthannak ah dawn khaan tu pakhat ah aa telmi a si. Cu caah kan tthut/to le ih ningcang ah ttha tein kan i fimkhur a herh, cu ti cun kan thisen zong kan taksa ningcang tein a kal kho lai i minung kan tthan khawhnak ding ca zongah rianttuan tu pakhat a si.
4. Cawlcangh A Herh: Na thathutnak kha kal tak law ding tein tho(thathut lo ding tibia). Thathutnak nihhin minung kan thau nak a chuah pi tu thil pakhat a si ve(Vun a dor ter). Kan taksa(vun) nihhin minung kan tthan nak caah a biapi ngai i dawn khaan tu pakhat zong a si. Na tthan ningcang le na pum(taksa) aa keih lo a si ahcun na tthan nak ding caah an dawn khaan tu a si kho. Cu caah cawlcangh le thau na ngeih khawh lo nak ding caah a herh lo mi thil kha tuah piak lo ah a ttha. Cawlcanghnak nih kan thau vialte hi a khangh khawh pinah pumrua a tthat ter i minung kan tthan nak ding caah ruahchannak tampi a peek. Ref: stylesatlife
Note: Lai mi cu miphun niam mi kan si caah a cunglei bantukin kan rak langhter i ahhin tthenkhat caah hlawknak tampi a um kho i, na rel khawh bak in share khawh rak kan zuam piak, siaherhnak he.
