Related Articles
Salai Lungthli Tum cu kan theih cio lai dah. Lai miphun caah chawva ngeihchiah in thazaang a chuah kho taktakmi mino te a si pinah ram dawtnak lungthin zong a ngei taktak mi tlangval no pakhat a si ve.
Tutan zong Kawlram(Laitlang) Covid-19 a karh ngaingai i mithi zong an tam ngai tikah a ngeihmi chawva chungin tam taktak te Hakha le Thantlang caah bawmhnak a tuah, tihin a facebook timeline ahcun a langhter “Covid ral dohnak caah Hakha le Thantlang ah pumpek riantuantu volunteer phu sin ah ting 25 veve (total ting 50) ka bawmh ve hna.
Minung pakhat tal nunnak thaw oxygen a pe khotu bawmhnak ah cang hram ko seh. Tutan zawtnak hi tihnung khun, mino thazaang a thawng rihmi zong thawchuah khawh loin a tuah hna i tampi nunnak a liam cang. A karh a rang tuk. Oxygen zong fawi tein cawk ding um ti lo.
Bochan awk cozah kan ngei hoi lo. Nun ko buin thaw a chuah kho lomi kan unau tampi an um. I ralring cio hna u sih. Kan ti khawh tawk in pakhat le pakhat i bawm cio hram u sih.” ti’n amah facebook timeline ahcun a langhter ning cu a si.
A Dang Reltthan: Shweku Peng Kahdohnak Ah Ralhrang 40 Hrawng An Thi. Nihin Shweku peng Myohlah khua pawng ah KIA le PDF fonh ralkap le ralhrang i kahnak ah kaphnih in nunnak liam an um i ralhrang lei in 40 nak tlawmlo hliam le thi an um tiah khuami nih an chim.
Hi i kahnak ah hliammi le thimi la dingin Shweku hrambunh zatlangbu bawmchan tu cu ralhrang nih tu zaanlei suimilam 6 ah an fial hna tiah tuanvo ngeitu min langhter duh lo mi pakhat nih a chim. “Shweku ah a ummo ralhrang hna cu ralhrang mawtaw in ra in mi bawmchantu phu cu kal lo ngah lo in an fial hna tiah theih a si.
Kan nih kan theih mi mawtaw pathum a kan auh, ruak la dingin a kan auh mawtaw hi ruahdamh cun 10 hrawng a um lai, zei ruangah ti ahcun ralhrang lei in a thimi 40 hrawng an si,i kahnak zong a chuak than kho mi a si fianghlang in ka thei lo tiah “ a chim chap.
Nihin zaanlei suimilam 2 hrawngah KIA umnak Myohla lei ah a rak lutmi ralhrang thazaang 160 cu KIA nih bomh hmanh mi an i lamh i a thimi an tam tiah theih a si. Ralhrang hliam le thi an tam caah nihin zaanlei ah KIA le PDF umnak Myohla khatlei ah ralhrang nih vanlawng pahnih in voihnih a kah hna.
Nihin i kahnak ah ralhrang a thimi an tam caah vanlawng hmang in an kah hna nak ah KIA le PDF in paruk hliam le nunnak liam an um tiah khuami nih thawngthanh ning in theih a si. Credit: The Chin Post
