Related Articles
Tedim Khua Ah Oxygen Sehzung Saknak Ding Caah Sing 4000 Leng Bawmhnak Ngah Tedim khua ah nikhat chung ah oxygen dur 200 hrawng a chuah kho ding mi oxygen sehzung saknak ding caah bawmhnak tangka cu sing 4200 leng a chuak cang tiah American zomi baptist khrihfa bu phu nih an langhter.
Oxygen sehzung saknak ding caah bawmhnak cu August thla 12 tiang kholh a si lai, cu oxygen chuahnak ding sehzung cu Tedim khua ah sak in Kalaymyo le Tonzaang khua hna zong ah phawtzamh a si lai tiah theih a si. Oxygen seh caah pekchung mi tangka cu sing 500 a si, ni 40 chung ah dih ding in cu sehzung cu sak a si lai tiah theih a si.
Kalaymyo ah nikhat ah oxygen dur 120 phawt a si lai i,Tonzang khua cu nikhat ah dur 40 phawt a si lai tiah theih a si. Credit: The Chin Post
ThawngDang Relchap: Minkin Ah PDF 57 An Hlen Hna I An Tlaih Hna Nizan July 28 ah Sagaing ramthen Minkin peng Panset Tongphyu lei ah hriamtlaibu pakhat nih chawnhbiaknak ngei dingah hriamnam put lo in kan i tong hna lai tiin an hlen hna i, Mikin PDF 57 an kan tlaih tiin Mikin PDF rianngeitu pakhat nih BBC ah a chim.
Nizan zinglei ah PDF le ralhrangbu hna hmun 2 ah an i kap.Khua pakhat cu Minkin PDF hna nih an kulh dih cang. Khatalei nih hriamnam tel loin i chawn dingin an rak sawm hna. Mah cu an in zumh sual i, a kal mi hna cu an tlaih dih hna ralhrangbu meithal a tlai mi dalaan pawl nih an tlaih hna.
An tlaih dih in Minkin ah a um mi rallokap hna cu an va auh hna i set-lawng in an rak tlaih.An zumh lo caah a kal ve duh lo mi 12 belte cu an luat tiah DVB nih a chim. Khatalei ah Minkin peng Panset ah Minkin PDF le ralhrangbu kar i kahnak a chuak i, rallokap 1 a thi, 3 hma an pu tiah Minkin PDF hruaitu pakhat nih a chim.
An tlaih mi hna kong he pehtlaih i an thawngpang zeihmanh theih khawh a si lo caah an chungle hna an thin a phan ngai. Thil sining cu bbc nih ralhrangbu rianngeitu hna sin ah kan hal nain zeihmanh a kan let lo tiah BBC nih a langhter. Credit: The Chin Post
