Related Articles
UNHCR phu Mindat an phaan. Thaizing thokin zarhkhat chung UNHCR nih Covid-19 himvennak caah pumpak thilri pawl he telhin ei-awk si lomi thilri pawl pher, khiangthawng, puan le coka hmanmi thilri pawl Nika in thaa a ngah kho mi mei inn pawl bawmhnak an pekchanh hna lai.
A herhmi bawmhnak pawl hi minung 5000(chungkhar 1000 hrawng nih an hmuh khawh lai tiah kan zumh). Cun kan mah nih hibantuk kan tuahmi pawl hi velngeihnak le ttanhmi ngeih lo, mizawnruahnak he kan tuahmi rian pakhat a si. Phawtzamhmi pawl hi UNHCR zung rianttuan mi pawl, zumhawktlakmi hawikawm rualchan pawl sin in bawmh a herhmi pakhat cio le khuami pawl kan pek hna ding a si.
UNHCR sin in hibantuk cawlcanghnak herhbaumi le thinphaannak vialte kan theihthiamnak hna ding caah khua chung mino pawl le biaknak le lutlai pawl kan va ton hna lai. Kanmah pawl hi Chin Pyinay le hmunzakip ramchung um mi harsatnak a tong khunmi hmun ah kan bawmh hna lai tiah biakamnak kan tuah. UNHCR
A Dang Reltthan: Na rel lai lo ti cu ka theih ko nain Ka thinlung i a um mi bia hna cu van in ruah ve rengreng ka duh. A hmasabikah thlacamnak ah kan rak in telh zungzal ko dawhawh. Na umnak thonginn hna a har tuk maw? Mi tthawng na si i na tuar khawh ngai ko lai tiah ka theih ko buin kum a liam manh cang ko ee.
Kan vawlei cung buainak kongte hna hi na van theih kho hnga dek maw? Na theih a si ko ahcun na inn lei na van ruat ngai ko lai ti! Zeihmanh khi thei lo lawlaw kaa lawm deuh hnga nain. Na pi a dam tthat le tthat lo hna na ruat lai i na nau a fel le fel lo hna na ruat ngaingai lai tiah zumhnak ka ngei.
Kan i kawmh lio hna, kan lenvah tti lio hna tu lio cu ka van ngai khun. Na rak chuah tikah cun zeizong vialte a rak i thleng dih ti khi na hmuh khawh ko lai. Mi kip kan i thleng hna kan hawile tthenkhat nupi/pasal an ngei, a tthen cu mual a kan liam tak zong an um. Nang zong hi tampi na thleng lai tiah zumhnak ka ngei, kei zong kaa thleng taktak ve kan vawlei pi zong nih hin a pee ti lo i si lai dah.
Zei khi dah i hruk ning law aa dawh hnga? Cucu khakha tibantuk zong a um kho ti lo. Na dam ttha maw? Na chungkhar an him ko lo maw? tibantuk lawngte kan i hal ko cang hna. Za phot ko rih sehlaw a dang cu na chuah tikah ka rak in ruah tthan te lai. Na hawile chungkhat sahlawh rualchan nih kan in hlam peng tihi philh hlah law.
Kan zaan mang zongah hin na rak lang lengmang tawn mah te tal cu na ruahchanmi si ko lai dah tiah ka zumh. (Mah cakuat hi Mai Stephanie Mj Mini Sunflower nih a hawinu Mai Jasmine Hm sinah a kuatmi a si. Mai Jasmine Hm hi China ram ah kum 2020 August thla hrawngah khan thong a tla i a tutiang a chuak kho rih lo.)
