Related Articles
Tung Khuah khua ah oxygen kawl lio mi pakhat cu ralkap nih an tlaih hnu ah a nunnak a liam
Tung khuah khua July 10 ah Covid in a zawmi caah oxygen lak ding a kawl cuah mah lio ah ralkap nih an tlaih i an velh hnu ah a nunnak a liam.
Koo Phu Se ti mi pa hi a kal ningcang a hman lo ruangah an ti i ralkap pawl nih an tlaih. An tlaih dih hnu ah an velh ti hi mipi nih an thei lo. Zei din dah kan theih kawh ti ah cun Sii zung rian tuan mi pakhat nih aa sum kho ti lo i a chim lawng bakin kan theih. “An velhnak ah a thluak chung ah thi tlang a lut i a nunnak a liam” tiah theih a si.
“Mah ni ah khan mino cheu khat zong an tlaih hna i an velh hna nain a thaizing ah an thlah than hna. Koo Pho Se hi cu thi lak in an velh” tiah an khua upa pakhat a si mi Daw Win Pah Pah Mint nih BBC ah a chim.
A tu thil sining he pehtlai in ralkap sin in zei thawng hmanh kan thei rih lo. Mah kong he pehtlai in BBC zong nih ralkap lei hal kan i zuam lai tiah ati.
