Related Articles
Lai Rawn Oxygen Plant Project Caah Ting 11 A Hlut Lairawn Oxygen Plant cawknak ding caah tiin Letpanchaung khuami Salai Val Thuam(Lpc Val Thuam) te innchungkhar nih Kyats ting Hleikhat bak an hlut.
Salai Val Thuam hi USA ah um cuahmah lio mi a si, CCP Sub-center, Letpanchaung caah kyats ting 15 renglo zong a rak hlut bal cang fawn. Khuatlang le mipi bawmhchanhnak ah kut a samh kho ngaingai mi a si.
Tutan Lairam Oxygen Plant Project caah budget estimation hi ting thong hnih tiang bakte a si i, ramchung ramleng um Chin miphun ttan cio in i thawh cio ding kan si.
A Dang Reltthan: Kum 10 chungah hibantuk ti lianh(flood) a thawh hi Western Europe ah a um bal lo, a tlawmbik minung 120 an thi cang i minung 100 renglo cu ti linah hnuah kawl cuahmah lio an si.
Ruah faak ngaiin a sur caah rili kam a um mi hmunhma vialte cu a hrawh chih dih. Germany ah cun a tu hi mi lu a thi zat an kai thluahmah ti a si i 100 an phan cang, Chancellor Angela Merkel zong nih vawlei cung kan khuacaan boruak kongah biatak tein ttan kan laak a hau cang tiah a chim colh ve.
Belgium rampi ah hin a tlawmbik minung 20 an thi cang. Netherlands, Luxemburg le Switzerland zong an tuar ngaingai tiah theih a si. Sehzung(factors) khu le vai a tam tuk caah ti lianh nak a thawh hi a si lai tiah zumh a um nain khua ti a vun i thlen cangka a lum tuk ruangah ruah faak piin a sur i cu zong nih cun ti lianh a chuahter zong hi a si lai tiah zumh a si fawn.
Belgian Prime Minister Alexander De Croo nih hi an ton mi he pehtlai in July 20 cu ram mipi vialte nih ngaihchiatnak Ni ah kan hman lai tiah thawngthanhnak a tuah. Germany ah hin a zual khun caah palik le ralkap 15,000 le emergency rianttuantu phu hna cu mipi bawmhchanh dingin Germany lei ah an zuang colh ve.
Khua tthenkhat hna cu ti lian nih a hrawh dih cikcek, western Germany, Ahrweiler district hruaitu hna nih a tu hi minung 1,300 hrawng cu kan hmu kho rih hna lo kawl cuahmah lio an si tiah an chim. Gregor Jericho, North Rhnie-Westphalia i Rheinbach khuami, nih cun BBC ah ti hin a chim “Ngaih chia taktak khi a si ko. Lam, hlei le inn tthenkhat hna cu a rawk dih cikcek ko. Khua zei hmunhma paoh hnawmthur ah a cang ko.
“Building aa cheumi tthenkhat hna lam ah an ril ko hna, mipi hna cu zei tuah awk theih loin an ttap ko hna. Ngaih chia tuk a si ko. An inn vialte hna zong an rawk dih, an mawtaw le seh thilri hna zong ti nih an fanh chih. Kan khuapi chungah ral a tho mi bang khi a lo cang.” tiah a chim.
Hi kongah Scientists hna zong nih remkhel lei upa hna cu ram mipi an venhim khawh hna lo caah le khuati le sining aa thlenmi chung in ralrinnak zeihmanh an pek hna lo mi cungah mawh an phurh ngaingai hna.
