Related Articles
Tu lio kan boruak a bikin Laitlang thawngpang theih hi a nuam lo taktak. Zeicatiah thihnak thawngpang lawngte theih peng a si nihin tiang cucu a dong kho lo.
Tulio rai in maw a si loah Kawl ralkap kut in maw a si lo ah dam lo nak a dangdang in maw, cuticun thawngpang theih peng a si. Nihin The Hakha Times nih a langhter ningah tleirawl kan naupa cu Lahva lo an riahnak ah hri in aa awk i a nunnak a liam tiah theih a si.
The Hakha Times nih cun tihin an langhter “Thantlang Sianginn sang um, Pa Biak Duh Kam (kum 15) cu July 31, Lahva kuang ah hri awhnak in a nunnak a dih. “Thantlang lockdown lio an chungkhar in Lahva lo an riahnak ah atu bantuk hri in aa awh hi a si,” tiah Pu Ram Khar nih a facebook cahmai ah a tial.” ti’n an langhter ning cu a si
A Dang REltthan: Kahdohnak Thawngpang(CDF-Mindat, CDF-Matupi ,CNA) July 27 ni ah Makuihingnu(မကြီအိမ္ႏူး) sakhan cu tinhchih in Kanpalet khuachung ah rallokap phu an ra.Mindat le Kanpalet ramri Khanan(ခါနန္း)khua ah a ra mi ralhrang cu CDF-Mindat, CDF-Kanpalet hna fonh in an doh hna i ralhrang lei in tampi an thih hnu ah hnu an tolh. Ralhrang rallokap phu lei in a tlawmbik minung 10 an thi,hliamtuar mi tam pi an um, CDF lei in hliamtuar mi an um lo.
July 29 ah Mindat-Matupi lam meng 74 ah CDF-Mindat, CNA, CDF-Matupi le (thla 24 lio ah Shitnuwa(ရွစ္ဝါႏူး) kahdohnak i rallokap phu) kar ah kahdohnak a chuak.Cu kahdohnak cu zaanlei suimilam 7:00 hrawng ah a thok i, zaan suimilam 12:00 leng tiang kahdohnak an dai lo. CDF-Matupi lei in minung 3 an nunnak a liam i minung pakhat hliam a tuar. Ralhrang rallokap phu lei in a tlawmbik minung 4 an thi i, hliamtuar mi tampi an um tiah theih a si.
July 3, chunhnu suimilam 2:00 hrawng thokin meng 74 hmun ah kahdohnak a chuak tiah theih than a si, cu kahdohnak ah nunnak a liam mi le hliamtuar mi kong ah fiangten theih khawh a si rih lo.
(July 23-25) Taihney(1) lei ah July 23 ah ralhrang rallokap phu cu Rampan (ရမ္ပန္း) khua lei ah ra in phungki sianginn ah umhmun an khuar. Cu ni chunhnu ah CDF-Mindat phu he kahdohnak a chuak.Ralhrang rallokap lei in minung 2 an thi,hliamtuar mi tampi an um, zaanlei hnu zong ah kahdohnak a chuak tiah theih a si.
July 24 ah ralhrang rallokap phu hna cu hnu ah an tolh.CDFnih an hnu ah dawi in Shwedwinto( ေရႊတြင္းတူး)khua tiang an hmunhma tha ten checkhlat nak an tuah.
July 25 ni ah hnu tolh cang mi ralhrang rallokap phu hna cu bawmtu minung thazaang chap in an kai than.Pawngkam checkhlatnak a tuah mi CDF-Mindat hna le ralhrang rallokap phu hna cu Danhdi(ဒန႔္ဒီး) khua ah i tong in kaphnih kar ah kahdohnak a chuak.Cu kahdohnak ah ralhrang phu lei hliamtuar tam pi an um, CDF-Mindat in minung 4 an nunnak a liam.
Matupi in a ra mi ralhrang battalion cu July 24 ah Shitwanu(ရွစ္ဝါႏူး) khua ah CDF-Mindat, CNA, CDF-Matupi hna hmunkhat ah i fonh in kahdohnak a chuak .Ralhrang rallokap lei in hliamtuar mi an um.Mindat-CDF in U Chai Thang ,Matupi-CDF in Zaw Myint Phay, Tun Shwe,CNA in Runno Phun Thang Hnin hna cu, cu kahdohnak ah an nunnak a liam.
(July 19-23) A luancia mi ni hna ah khan CDF-Mindat le ralhrang rallokap kar ah fakngai in kahdohnak atu le tu a chuak.Kahdeihnak ni chap ding ah biaruahnak phelh a si hnu ah July 19 ni thok in ralhrang rallokap phu hna nih kahdoh ding in timhtuahnak ah an cawlcangh kha theih a si.
Ralhrang rallokal phu hna nih Shweawngta(ေရႊေအာင္သာ) khua in kahdohnak hmunkhat, Matupi in hmunkhat, cu leng ah bawmtu minung thazaang tampi an chap. July 21 zinglei ah Shwedwinto (ေရႊတြင္းတူး) khua ah CDF-Mindat le ralhrang rallokap phu kar kahdohnak a chuak.Ralhrang rallokap lei in hliamtuar mi an tam i, nunnak liam mi zong an um lai tiah ruahdamh a si.Ralhrang phu cu hnu ah tolh in ramlak ah an tlau.
Chunhnu Paitui(ပိုင္းတြီ) khua ah voikhat an chuah hnu in atu le tu kahdohnak a chuak. 21 ni ahcun,ralhrang phu hna cu Yanchawng(ရန္ေခ်ာင္း) khua phungki sianginn ah umhmun an khuar.
July 22,zinglei ah Yanchawng(ရန္းေခ်ာင္း) khua chung ah kahdohnak a chuak,ralhrang phu in a thi mi an um i, hliam tuar zong an tam. CDF-Mindat in Salai Lai Hung Uam zong, cu kahdohnak ah cun a nunnak a liam. July 22 ni ah (No .1) Taihne ah fakngai in kahdohnak a chuah caah CDF-Mindat battalion cheukhat nih Makuihingnu (မကြီအိမ္ႏူး) khua palik sakhan le rallokap sakhan cu an lak khawh.Ralhrang sakhan in Bugyi pakhat cu CDM ah a lut.
July 23 ni ah Makuihingnu (မကြီအိမ္ႏူး) khua rallokap sakhan in A-Yia-Khan-Bo pakhat le rallokap minung 4 cu sakhan in a thliten an zaam, rallokap sakhan le palik sakhan, sakhan pahnih ning in an lak khawh hlei ah an hriam zong an lak chih tiah Chinland Defense Force nih an langhter.
