Related Articles
Sihni Chan Pum (Pu) cu July 9 zaan 9:40 pm hrawng ah mual a liam tiah kan theih.
Amah hi BA (Law), LL.B., B.R.E. (Advocate) a si i Laimi (a bik in Hakha le Thantlang) nih Sihni (Lawyer) kan ngeihchun le kan bochan mi pakhat a si. Pu Chan Pum cu 2010 kum thimnak lio ah CNP (atu CNLD) party in teinak a hmu i Chin Ramkulh Hluttaw Palai a rak tuan mi a si. Credit: The Hakha Times
The Chin Journal zong nih ti hin an langhter ve ” Zualko: Sihni Pu Chan Pum a Nunnak a Liam.Tu zaan sml. 9:30 hrawng ah Hakha ah sihni Pu Chan Pum a nunnak a liam. Sihni Pu Chan Pum cu B.A (Law), LL.B, B.R.E fimthiamnak degree pawl a ngeimi a si i, a nunnak a liam caan tiang Hakha ah sihni rian a ttuanmi a si.
2010 Thimnak ah Hakha ah CNP party aiawh teinak a rak hmu i, Chin ramkulh hluttaw palai rian zong a rak ttuan balmi a si. Pu Chan Pum hi zunthlum zawtnak caan saupi aa thlopmi a si i, tu zaan ah anmah inn te ah a nunnak a liam hi a si.” The Chin Journal nih cun an langhter ning cu a si.
A Dang Reltthan: July 9, Falam ah COVID-19 in minung 2 mual an liam than i mual liam mi dihlak minung 24 an si cang, tiah kan theih. July 9 ah mual a liam mi hna hi Rev. Philip Tlei Thuan (kum 63) le Pu No Lian Sang (kum 73) hna an si i Falam volunteers hna le Khrihfabu tuanvo ngeitu hna nih Laampa thlaan ah an vui hna, tiah theih a si.
COVID-19 in Falam ah mual a liam mi hna hi; June 2 ah Pi Zing Rem Thluai (Kum 53) June 12 ah Rev. Piang Bik (Ramthlo- Kum 51) le Pi Khawfeli (Rihkhawdar- Kum 81), June 13 ah Pu Sui Ceu (Kum 67) le Pu Lalthanpuia (Rihkhawdar- kum 38) June 16 ah Mai Lal Muan Kim (Kum 27) June 18 ah Pi Za Nawn Kai (Kum 79).
June 19 ah Pastor Thang Hre Mang (kum 33) June 21 ah Pi Lun Khaw Niang (kum 76) June 22 ah Salai Lal Than Eng (kum 25) June 24 ah Pu Cung Lian (kum 66) June 25 ah Pu John Ral Za Lian Kulh (kum 60) June 26 ah U Win Naing (Rihkhawdar- kum 72) June 27 ah Pu Hrang Thawm Vel (kum 62) June 28 ah Pu Leeng Tin Hre (kum 66)
June 29 ah Daw Win Mya Kyi (kum 51) June 30 ah Pi Ni Siang Men (kum 39) July 1 ah Pi San Del (kum 63) le Pu Lal Duh Cung (kum 44) July 2 ah Pu Hung Hleih (kum 46) July 5 ah Pu Thang Lam Kim (kum 40) July 7 ah Pu Martin Hniar Cung (kum 72) July 9 ah Rev. Philip Tlei Thuan (kum 63) le Pu No Lian Sang (kum 73) hna an si i an dihlak ah minung 24 an si cang tiah theih a si. Credit: The Hakhat Times
The Chin Post zong nih tihin an langhter ve “Falam Ah Covid In Rev.P.Tlei Thuan le Pu No Lian Sang An Nunnak Liam. July 9,2021 zinglei ah Rev.Philip Tlei Thuan(kum 63) le zaanlei ah Pu No Lian Sang (kum 73) cu Falam sii-innpi ah an nunnak a liam i,Laampa thlanhmun ah Volunteer pawl le Khrihfabu chung i tuanvo nei pawl nih an vui hna.” ti’n an langhter ning cu a si.
