Related Articles
Tu lio Kawlram thawng theih cu a har ngaingai ko. Bochanmi le amah amah timi nih an kan thih tak lengmang hna. Covid rai in siseh a dangdang dam lo nak in siseh nunnak a liam mi an tlawm ti lo.
Tutan zong LBC(Yangon) Khrihfa Upa Pu Ca Kung nih mual a kan liam tak tiah thawng theih a si. Pu Ca Kung hi nai tan a kan thih takmi Pu Tluang Lian Hnin i hringtu a pa a si. Ti hin The Chin Journal nih cun a langhter “LBC (Yangon) Khrihfa Upa Pu Ca Kung a Nunnak a Liam, Nihin (July 24) zaanlei sml. 4:45 hrawng ah LBC (Yangon) Khrihfabu upa Pu Ca Kung a nunnak a liam.
Pu Ca Kung cu July 19 ah a nunnak a liammi Pu Tluang Lian Hnin i hringtu a pa a si. Pu Ca Kung hi lung thihri lei damlonak a ngei chihmi a si i, oxygen he ni zeimawzat an thlopbul hnu ah nihin zaanlei ah a nunnak a liam hi a si.” Credit: The Chin Journal
A Dang Reltthan: Aizawl Theological College (ATC) Alumni nih “Oxygen for Tahan” tiin bawmhnak a khomh mi chungin a herhbau mi an cawk mi cu a voikhatnak caah Tahan a phan.
Oxygen for Tahan hi ATC Alumni nih Mizo Theological Association (MTA) le Victor Da Scavenger youtube channel bawmhnak in a tuah mi a si i, sing 10 leng an hmuh tiah theih a si. Bawmhnak hi tangka pin ah sii dawr pahnih MF Drug Centre, RTP building Tuikual veng le Jordan Drug Store, Upper bazar hna nih sii le thilri zeimawzat an thawh.
ATC Alumni nihhin Kawlram lei ah a ummi chungtel cheukhat hna he fonh in mi harsa le a herh taktak mi hna sin ah pek dingin Covid test kit, sii le PPE pawl an kuat hna.
A voikhatnak ah test kit le PPE hna kuat than timh a si i, Tahan pin ah Kabaw rawn ah a ummi zofa hna zong pek timh a si. Oxygen a herhmi mizaw hna ca zongah a herh ningin tawlrel dingah timh a si. Credit: The Chin Post
