Related Articles
Ubu(အိုးဘို)thong chung au in sandah piah nak ah a tel mi minung 40 hrawng cu thonginn nawlngei tu hna nih checkhlat nak an tuah hna.
Nizan zaanlei ah Mandalay thonginn chung au in sandah piahnak ah a tel mi thongtla chung in minung 40 hrawng cu thonginn nawlngei tu hna nih checkhlainak an tuah hna tiah thonginn rianngei tu pakhat nih a chim. February 1 hnu in tlaihkhih a tong i, pohmah 505(a) in tazacuai a tong mi thongtla hna au in an um, thonginn phungning nawlzulhnak a zul lo mi cu hmalak an si lai tiah a chim.
“Zaan suimilam 9:00 ihnak dar an tum lio ah an au hi a si,cun an sak tawn mi hla kha an sa, a bik in cun 8888 nk he a ton caah aunak hla an sak hi a si” tiah a chim. Thongtla hna nih nawlnak bia pakhat hmanh um lo in hlasak nak an tuah mi lawng hi a si cun nizan zaan ah thong inn pawngah ummi hna nih an chimmi meithal puah nak kong zong ah an tuah mi a si lo tiah a chim chih.
Mandalay University sianghngakchia phu hna cu thonginn chung sandah piah nak a um hnu ah ralkel lei tlaihkhih a tong mi thongtla hna cu himten chuahpiak ding le ,thong inn chung Covid-19 runvennak ding caah zohkhenh piak ding in le ramkhel lei in tlaihkhih a tong mi thongtla hna cu hremnak an tuah mi hña cung ah ngol ding in nawlnak ca an chuah. Credit: The Chin Post
A Dang Reltthan: Naga hriamtlai GPRN nih Rithai-sii a zuar mi Palek 1 le Civil mi 2 thi dingin bia an chah. Rithai sii he chawlehnak a tuah mi palek 1 le khuachungmi 2 hna cu upadi ningin thah an si tiah Naga hriamtlaibu pakhat a si ve mi GPRN nih August 7 ah an thanh.
An thah mi hna hi Naga Autonomous Region chungah a um mi Nangyun khua, Dohi palek sakhan in palek sen 2 pakhat le Shinboiyang khuami pahnih an si. Rit si a zuar mi hna pathum sin in Herion kyat sing 2000 man le mawtaw pakhat kan tlaih. Kan tlaihmi vialte mei in kan khangh dih.
Kan tlaihmi hna zong upadi ningin thah an si tiah GPRN, rithaisii a dotu phu (Anti-drug task force) cathanh nih a langhter. Atu bantuk hriamtlaibu nih rit khawhmi sii a zuar tu palek pakhat an thah mi cungah palek tuanvo ngeitu hna sin in zeihmanh hmurka an ngei lo tiah theih a si i, GPRN nihcun mipi caah tha kan ti mi le kan tuah a herh mi kan tuah mi a si tiah an chim.
Kan hnu July 17 zong ah Nangyun, Myoma vengah a um mi Naga pakhat cu rit khawh mi sii a zuar ruangah thah a rak si cang. Government of the People’s Republic of Nagaland (GPRN) hi Kawlram le India ramri ah a um mi Naga hriamtlaibu pakhat an si i, Kawl cozah he remhdaihnak a tuah lo mi hriamtlaibu pakhat an si. Credit: The Chin Post
