Related Articles
Myanmar ralkap nih NUG cozah dirpinak caah “Accept NUG/Reject Military” timi Facebook Profile Frame a hmangmi pawl cu an rak hua taktak hna ti a lang, milar lakin NUG dirpinak a hmangmi facebook profile cu minung 63 hrem dingin cazin an laak.
Cazin an laakmi ahcun pohmah 505 hmangin sualphawtnak an tuahpiak hna i an tlaih khawh rih lomi milar tthenkhat an i tel bantukin pohmah 505 sual phawtnak tuahpiak lo mi milar tthenkhat zong NUG dirpinak an hman ruangah hremnak pek dingin min cazin ah khumh mi an um. Cu ahcun R Zarni, Nitar, Daung, Novern Htoo, Kyaw Htet Aung, Yarzar Naywin, Aye Myat Thu, Han Lin tibantuk pawl an i tel hna.
Ralkap nih “Accept NUG/Reject Military” hmangmi lakin min cazin an laakmi pawl cu pohmah 52 hmangin sual phawt an si i, pohmah 52 cu sualnak tam tuk a tuahmi tinak a si i kum 3 in kum 7 tiang thong thlak khawh a si ti’n phung le lam ahcun a um.
Yangon palik bawi nih ” Ralkap nih “Accept NUG/Reject Military” hmangmi pawl min cazin an laak ter hna timi kong cu a hman/dik mi a si. Zeicatiah, NUG, CRPH le PDF hna cu ralhraang tiah phuan cang mi an si i, cubantuk a dirpimi pawl cu ralhraang dirpi hmangin hremnak pek an si lai” tiah ramchung thawngthanhnak ah a chim.
” Accept NUG/Reject Military” timi cu September thla chung i tuah dingmi UN meeting pi caah NUG cozah dirpinak ah hman mi a si i, nihin ni tiangah Facebook profile in a hmangmi hi 3 million renglo an phan cang tiah a tuahtu nih cun a chim ve. Vapual Auaw
A Dang Reltthan: K-Pop Star Seungri cu Kum 3 chung Thongthlak A Si Lai South Korea ram ah a laar ngai mi K-Pop star le Big Bang chungtel pakhat a si ve mi Lee Seung-hyun cu Burning hlawhhlang kong he pehtlaihin kum 3 chung thongthlak dingin General military court nih August 12 ah biachahnak a tuah.
Seungri hi 2020 Januray thla ah biaceihnak zung nih hlawhhlang le phung nih a onh lo mi kong he pehtlai in case dangdang he tazacuai a si i, Yongin ralkap biaceih zung nih biachahnak a tuah hnuah tlaih colh a si. Hi chawlehnak ah invest a tuah mi Taiwan, Japan, Hong Kong mi hna sin ah nu a pek tawn tiah theih a si i, Gambling le Seoul night club pakhat i phaisa cu ningcanglo in a hman tiin case 9 he tazacuai a si.
Taza an cuainak kong he pehtlaih in a pheh ngai nain court nih a bia hi an pom hna lo tiah theih a si. Seungri hi kum 3 thongthlak a si lengah Korean won 1.15 billion ($ 989,000) cawi ter a si. Hlawhhlang chawlehnak hi Korean cozah nih fak piin a doh mi a si. K-Pop star Lee Seung-hyun hi nikum March thla in thla 21 chung Korean ralkap rian a tuan mi a si.
Ralkap riantuannak hi September thla ah a dih ding a si nain ralkap a si nain phuah a si. Seungri hi 2006 August thla ah Big Bang in hram a thawk hnuah an group zong a lar ngai mi a si i, 2019 march thla ah atu buainak kong theih a si hnuah Entertainment Industry hi a chuahtak tiah theih a si. Credit: The Chin Post
