Related Articles
K-Pop Star Seungri cu Kum 3 chung Thongthlak A Si Lai South Korea ram ah a laar ngai mi K-Pop star le Big Bang chungtel pakhat a si ve mi Lee Seung-hyun cu Burning hlawhhlang kong he pehtlaihin kum 3 chung thongthlak dingin General military court nih August 12 ah biachahnak a tuah.
Seungri hi 2020 Januray thla ah biaceihnak zung nih hlawhhlang le phung nih a onh lo mi kong he pehtlai in case dangdang he tazacuai a si i, Yongin ralkap biaceih zung nih biachahnak a tuah hnuah tlaih colh a si. Hi chawlehnak ah invest a tuah mi Taiwan, Japan, Hong Kong mi hna sin ah nu a pek tawn tiah theih a si i, Gambling le Seoul night club pakhat i phaisa cu ningcanglo in a hman tiin case 9 he tazacuai a si.
Taza an cuainak kong he pehtlaih in a pheh ngai nain court nih a bia hi an pom hna lo tiah theih a si. Seungri hi kum 3 thongthlak a si lengah Korean won 1.15 billion ($ 989,000) cawi ter a si. Hlawhhlang chawlehnak hi Korean cozah nih fak piin a doh mi a si. K-Pop star Lee Seung-hyun hi nikum March thla in thla 21 chung Korean ralkap rian a tuan mi a si.
Ralkap riantuannak hi September thla ah a dih ding a si nain ralkap a si nain phuah a si. Seungri hi 2006 August thla ah Big Bang in hram a thawk hnuah an group zong a lar ngai mi a si i, 2019 march thla ah atu buainak kong theih a si hnuah Entertainment Industry hi a chuahtak tiah theih a si. Credit: The Chin Post
A Dang Reltthan: China nih a chuahmi Covid-19 khamnaksii Sinopharm cu kan kawlram pi chungah phawtzamh a hung si ve. Cucu SAC ralkap hruainak in Kawlram mipi hna chunh cio dingin timhlamhnak a um.
Kawl ralkap nih nawlngeihnak an laak hnu in nihin tiangah a kenkip in kawlram mipi hna nih dothlennak tuah cio a si. Dothlennak nih alanghter ve mi cu SAC ralhraang nih a chuah/siam mi paohpaoh zeihmanh hman lo ding le tuah lo ding kha a si ve. Cucu dothlennak kan tuah cuahmah lio mi ah thil biapi taktak a si fawn.
Hmanhsehlaw Kawlram sining(chene) zoh tikah Covid-19 zawtnak cu a karh ngaingai. Chunh lo ah le zawtnak cu ttih cio a si chunh ah le Ralkap hruainak a si fawn tikah mipi thinlung zong a baa ngaingai lai ti cu a fiang ko. Hmanhsehlaw Kawlram mipi hna zong kan theih dingmi cu kan nunnak hi Pathian kut ah a um ko cu caah dothlen a tuahmi nih cun a zei sihmanhah kan i chunh lo le rai khamnaksii hi kan tongh lo kha a ttha bik ko.
Chinland Defence Force-Thantlang zong nih ca an rak chuahmi kha a ttha ngaingai pinah kan theih a herh bakmi zong a si fawn. Zeicatiah Kawl ralkap he aa pehtlaimi thil paohpaoh cu hi dothlennak kan tuahmi chungah kan doh dingmi taktak a si.
CDF-Thantlang nih ca an chuahmi cu tihin a si ” Covid-19 kongah CDF-Thantlang dirhmun. 1) Atulio Thantlang ah Covid-19 zawtkhamsii (Vicccines)chunh cuahmah mi hi SAC lei nih pekmi a si caah CDF-Thantlang kan dirhmun he a kalh mi a si.
2)Sii an chunh tikah (a) Biaknak hmunhma ah chunh si hlah seh, (b)CDM a tuahmi kan hnursuan piak hna hlah seh,
(c)Fial chom si lo in pumpak lungthlehnak in chunh siseh, (c)CDM a tuah lo mi nih chun hna seh ti kan duh.
3) Thantlang khua sang le Thantlang peng khuate lei Covid-19 committee cio nih khiah mi zulhphung a zul duh lo mi le nawl a buar lengmang mi cu CDF-Thantlang nih a herh ning in tuanvo kan in lak hna lai.
4)Cun, SAC he pehtlaihnak a ngei mi poah poah, an i pehtlaihnak ruang ah kan riantuan nak a dawnkhan tu ah ruahmi poah poah cu mi zei bantuk an si hmanh ah a herh ning in tawlrel nan si lai tiah ralrinnak kan in pek hna.” ti’n an rak langhter ning cu a si.
A donghnak bikah no.4 nak i ralrinnak an tuahmi zong hi a ttha tuk, zeicatiah tutan dothlennak kan tuahmi ah hin ralhraang hi doh ko hna usih, pehtlaihnak cu tuah duh hna hlah usih. Lungrual tein kan ttan ko a si ahcun a theipar cu kan hmuh te ko lai.
