Related Articles
Tutan One Championship i kan Lai patthawng Tial Cung Thang a sungh cu kan lung a faak cio. Hmanhsehlaw sunghnak zong a caan ahcun kan tawn ve a hau tawn cu nih cun hmailei kan lamthluan aa tthat ter tawn i zuamnak lungthin zong a hlei le faak khun in kan ngei cucu vawlei nih a chuahpi mi a si.
Tutan a sungmi ah Aung La zong a vun holh ve. Tutan cu a pawngkam ah a dirpi kho lo. Zeiruangah dah a dirpi khawh lo timi theih a si loh. Aung La nih cun hnemhnak ca le an hmanthlak cu amah Facebook Timeline ah a taar chih. A tar ning cu ti hin a si. “Hi nak tthawng deuh in kan rak kir tthan lai ka unaupa Tial “The Dragon Leg” Thang.
Tu hnu cu na pawngkam teah kan dir/um pi cang lai cuticun teinak zong na hmuh hrimhrim lai. Kan hnung naa vuak hlan nihnih/thum chung hrawng kha cu a harsa ngai ko lai hmanhsehlaw vawlei phung a si ko ka unaupa. A zungzal in kaa uanthlar tukmi na si i tutan zong hi a hrawmthok lawng a si rih ti ka theih. Kachin le Chin Unau.” ti’n a langhter ning cu a si. Kan hnung nihnih/thum a ti mi hi Thantlang kong kha a si kho men.
A Dang Reltthan: Kum 12 hnu ah Manchester United nih cun Cristiano Ronaldo cu a inn tthing/hlun ah kir tthan dingin hnatlaknak an ngei cang, a man zat hi euro28 million a si lai.
Cun Manchester United nih hin Ronaldo hi zarhkhat ah euro 480,000 pek dingin hnatlaknak zong an ngeih chih. Tuan deuh ahcun Man City ah aa tthial lai tiah thawngpang a leng ngaingai hmanhsehlaw thawng a len ning ahcun Man Utd i a hawi le tthing pawl nih heh tiah an forh len caah a lung aa thleng tthan tiah an chim.
Instagram zongah Manchester United nih official tein Ronaldo a kir tthan nak kong cu cathanh an chuah cang. An ttial ning cu ti hin a si ” Manchester United nih lunglawm tein kan mah le Juventus karlakah Cristiano Ronaldo kong he pehtlai in hnatlak kan ngei kho cang, personal thil, visa le medical lawng aa duh.
Cristiano, Ballon d’Or zong voi 5 tiang a la cang mi, nih hin pumpululh a chuih chungah hraipi voi 30 a cawi cang, UEFA Champions League hraipi vo 5, FIFA Club World Cups voi 4, voi 7 league hraipi cu England, Spain le Italy ah a cawi kho, cun European Championship zong a rampi Portugal caah a cawi kho mi a si.
A voikhatnak bik Manchester United hrang i a rak i celh lio ah goal a thun mi zat hi 118 a si i games 292 aa celh kho. Club chung i a um mi dih lak nih Manchester ah Cristiano a rak kir lai nak ding cu kan i ngaih ko” tiah an langhter.
