Related Articles
Mindat Peng Biakinn Chung Thilri le Khuachung Inn Thilri pawl SAC Ralhrang nih an Hrawh Mindat peng, Chat khuate ah SAC ralhrang pawl an phan i Chat Baptist Church biakinn chung ah zurit buin an lut i biakinn thilri pawl an hrawh dih hna.
Khuachung ah Sia pakhat zong an thah i an ei pin ah inn kutka an bauh dih i thilri vialte an hrawh dih.
CDF-Mindat he i kahdohnak ah a thimi SAC ralhrang ruak pawl cu muka in an zual hna i khuachung zunput pakhat pawng ah an kaltak hna, tiah khuami pakhat nih a chim. The Chin Journal, August 31, Yangon. Credit: The Chin Journal
A Dang Reltthan: Vawlei cung pumpi a hninhtu Cristiano Ronaldo nih Manchester United a kir tthan nak ding kong he pehtlaiin fianternak ca a ttial ve cang. Zeizat in dah an cawk le zeizat hlawh dah a hmuh lai timi kan langhter ti lai lo.
Cristiano Ronaldo cu chim hau loin kan theih dih mi a si. Tutan Manchester United a kir tthan cu lung a hmui khun i fans ca lebang cun ngaih zong a chia. Caan saupi a rak um nak le a rak lar nak le zei paoh a rak i thoknak a Club kha a rak si. Cu caah Ronaldo zong nih a ngaih tuk nak ca zong ttial in a langhter cang.
Amah facebook le Instagram ah tihin a langhter ” A ka theitu mi zeihmanh nih cun zeitluk in dah Manchester United ka dawtnak hi a dih/tlau kho lo timi cu an theih hrimhrim ko lai. Kum tampi caan ka rak hman nak zongah siseh khuaruah har lawngte an si hna pinah hmunkhat teah lam kan rak sial ttimi cu sui cafang in a ngantukmi le cawnnak ttha tukmi tuanbia chung ah aa tialmi a si.
Old Trafford ah kir tthan dingin vawlei pi nih thanhnak a tuah tikah zeitindah ka lungthin um mi ka fianh lai ti awk zong ka thei kho lo. Hi tluk in Man United he club dang ka um lio caan zong i kan i ton le an ral bantukin ka chuih lio caan zongah fans hna nih nan dawtnak le ttihzahnak nan langhter mi hi ka tem zungzal caah tutan zong ka chunmang a tling ti khawh a si. Chunmang a tling cang timi cu 100% bakin tubantuk hi a si ko.
Domestic League ka voikhatnak, Cup zong voikhatnak, Portuguese National team ca zongah ka voikhat auh/kawh tonnak, Champions League voikhatnak, Golden Boot voikhatnak le ka voikhatnak Ballon d’Or, hi vialte hi keimah le Red Devils(Man Utd) i pehtlaihnak thawngin a chuakmi a si.
Tuanbia cu a hlan ah rak ttial a si cang i tuanbia thar zong voikhat kan ttial tthan lai. Bia kan kamh hna. Hi ka ah ka um, Ka um nak hmun ah ka rak kir cang, voikhat in thil can ter tthan usih. Sir Alex, mah hihi nangmah caah a si.” ti’n a rak langhter ning cu a si.
