Related Articles
Mipi an nunnak le an inn lo kil vennak ding caah ral cu kan do hrim lai i a ni le caan tu cu i ceih in bia kan khiah lai tiah NUG caan karlak president Du Wa Lah Shi nih nihin an tuah mi NUG caan kel meeting (19.20.21) ah a chim.
“NUG nih cun nifatin in thahnawn a tong mi mipi an nunnak le an inn lo pawl kil vennak ding caah ral kan do hrim lai i timhtuahnak zong rian ngeitu hna nih dinh lo in an tawlrel cuahmah nak kong le thok ni cu i ceih in bia khiah hnu ah cabinet ah langhter than hnu ah i bawm in biakhiah than ding kong” caan karlak president Du Wah La Shi nih a chim.
Caan karlak president nih biatawi chimnak a ngeih i a ra laimi September thla ah UN Palai U Kyaw Moe Tun cu pehtlai in a riantuan ter ding kong vawlei pi nih cohlan piak ding kong cu a biapi mi thil a si caah remnak le ruahnak petu phu pawl nih an tawlrel cuahmah nak kong, ASEAN Palai Kawlram a rak phanh tikah NUG he tonbiaruah ding kong zong an ceih dih cang nak kong a chim.
Covid – 19 khamnak kong he pehtlai in Covid – 19 khamtu phu in Dr Zaw Wai Soe hruainak in ram chung phu pawl, ram dang phu pawl hna he i pehtlai in tawlrel an i zuamnak kong, Covid – 19 khamnak ding ah ralhrang pawl i tawlrel ning an dai thlannak,mipi tu kilven lo in an mah ukn k lawng kilven duhnak hna hi Kawlram pi a rawhral ter tu ding a si caah Covid – 19 khamnak ding kong ah cozah vialte he mipi vialte zong i bawm in tawlrel a herh nak kong zong caan karlak President nih a chim. Credit: The Chin Post
Thawng Dang Reltthan: SAC Zaamtak in CDM a Tuahmi Ralkap 1,500 Hrawng an Si Cang SAC nih Myanmar rampi uknak an chuh caan thawk in nihin ni tiang ah SAC zaamtak in CDM a lutmi ralkap 1,500 hrawng an si cang, tiah CDM a lutmi ralkap pawl a bawmtu Captain Lin Ttet Aung nih a chim.
“CDM a lutmi ralkap mi tam u hi rank niam an si hna. Sergeant rank le rank ngei lo an tam i, Lieutenant Major le Major rank a simi ralkap 100 hrawng zong an i rel,” tiah Cpt. Lin Htet Aung nih a chim. “CDM a tuahmi ralkap pawl ttha tein zohfelnak le checkhlatnak tuah a si tik ah an zapi in raldohnak lei ah an panh kho rih lo.
Raldohnak taktak a chuah tik ah cun i teltum a duhmi an tam deuh,” tiah a chim chap. June thlahthawh tiang ah khan CDM a tuahmi ralkap 800 hrawng lawng an rak si i, atu August thlathawh ah acheuchum an karh. Cpt. Lin Htet Aung zong hi DSA-No. 54 in ralkap cawnnak a dihmi a si i, April thlathawh lei ah CDM ah a rak lutmi a si. Atu ah cun SAC ralkap chung in CDM luh a duhmi pawl pehtlaih le bawmhchanhnak lei ah ttuanvo a lami a si. Credit: The Chin Journal
