Related Articles
Kanpetlet Ah Ralhrang Nih Khrihfa Biakinn Pahnih Le Minung Umnak Inn Cheukhat An Hrawh: Chin ramkulh Kanpetlet khuapi ah August 6, zaan 11:00pm hrawngah khan ralhrang nih ruru-hranghrang in meithal an kah cash Khrihfa biakinn pahnih le minung umnak inn dang cheukhat a rawk tiah theih a si.
“Kan umnak inn pawngah an ra i minung kan um ti an theih ko buin inn cu an kah chih. Vampang zong a awng viar, innchung i belkheng zong an awng viar tiah Kanpetlet khuami pakhat nih a chim. August 6 zaan ah khan Kanpetlet khuapi ah ralhrang nih an duh paoh in meithal an puah/kah i khuami hna cu thinphang le lungrethei in an um.
Hi kongah CDF he kahdohnak a si lo, anmah ralhrang nih an duh paoh in an kah sawhsawhmi a si tiah CDF lei tuanvo ngeitu hna nih an chim. Khit Thit Media
A dang: Mi cheukhat cu kan tlaihchantuk hna le an sin kan ngamtuk kha an theih tik ah, an kan hrial i a phunphun in an kan hneksak tawn. Mi cheukhat cu kanmah ten kan dir khawh lo kha an kan theih tik ah kaltak an kan duh khun, hnu an kan chit i, an kan hlawt tawn.
Mi cheukhat cu kan i bochan hna le kan herh hna kha an i theih tik ah zawnruahnak an ngeih mi lungput kha a tlau tawn. Lungthiang ten um khawh hi a tha tuk ti kan theih i kan i zuam cuahmah lio ah, cheukhat nih cun nek nak ah an kan hman theo tawn.
Dawtu tampi na ngeih mi chung in, an hua tu minung pakhat ruang ah thinlung ba tuk in va um hrim hrim hlah, hua tu nakin dawtu tamdeuh na ngeih kha zeitik hmanh ah va philh hlah. Mai Anna Par. Credit: The Chin Post
Thawng Dang Reltthan: World Health Organization (WHO) nih ram sifak le ram rum karah covid sii pek mi a thlau tuk rih caah ram cheukhat nih covid-19 booster an pek lio mi cu September thla tiang ngol rih dingin a nawl.
WHO lutlai Tedros Adhanom Ghebreyesus nih a rum mi ram le a sifak mi ram hna nih covid vaccine an pek ning a thlau tuk.Cozah nih Delta variant a karh chinchin lai ti kan phan ruangah an ram mipi vennak pek an timh ti kan theihthiam. Amah belte cu ram cheukhat nih vawleicung huapin vaccine an sermi chungin tam deuh a hmang mi hna nih mahnak tam lak chap an timh mi hi cu cohlan a har ngai tiah a chim.
Ram rum hna nihcun May thla ah khan an ram mipi 100 ah 50 cu vaccine hi an pek khawh cang.Atu cu vaccine an pek zat zong tampi a karh.Mah lio ah sifak deuh mi ram hna cu vaccine an i daih lo ruangah minung 100 ah dose 1.5 lawng an pek khawh rih.
Cucuaah, a rum mi ram hna nih vaccine an chuah mi tam deuh hi sifakmi ram hna sin ah a phak khawh nak dingah rianrang in timhtuahnak kan tuah colh a hau tiah Tedros nih a chim. Delta variant a karh mi khamhnak caah ram cheukhat nih covid vaccine dose cu a sining tein an pek hlei ah a thawngdeuh mi (booster dose) pek hram an thawk. A pe lio mi zong an um.Mithiam hna nih a hleiin pek mi booster dose hi a hau theng maw ti kongah i el nak a um.
Patling a damtha mi caah covid-19 vaccine booster dose kan pek mi hi an khuaruahnak a kau lo ruangah a si tiin Medecins San Frontieres access campaign i sii lei ruahnak pet tu elin Hoffmann Dahl nih a chim. India cozah nih kum 60 cunglei hna cu booster dose pek hram a thawk cang.US zong nih July thla in hngakchia hna pek ding le a herh tikah booster dose caah hman ding mi Pfizer Inc (PFE.N) le BioNTech-te vaccine ser mi dose 200 million cawk dingin min an thut cang.Asinain, US ngandamnak lei a zohfeltu hna nih booster dose hi hman a hauh le hauh lo an zohfel lio a si.
August ni 4 tiangah vawleicung minung 200 million nih atu hi zawtnak an i chawnh cang i, Delta variant a karh thluahmah caah zawtnak hi a karh rih dingah ruah a si.Zawtnak a karh tam deuhnak ram ah mipi 50% cu vaccine voi 1 nak hmanh an pe khawh rih lo.
Covid pulrai a chua ka in kum 1 leng chung zawtnak a chawn mi hi 100 million a sinain, mah hnu thla 6 hnuah 200 million nih an i chawnh hmanh.Covid ruangah a thi mi hi 4.4 million an tling cang tiah theih a si tiah reuters news nih a tial. Credit: The Chin Post
