Related Articles
Karen ralkap KNU kuttang i KNLA ralkap buu nih cun July thla chung lawng bakah ralkap he voi 133 kahdohnak a chuak i ralkap lei in minung 165 an thah hna timi kongkau cu nihin August 2 ah ca an chuah.
Tutan an ikahdohnak hmun cu Karen ramkulh Mutaw District KNu chungin KNLA ralkap bu umnak hmunram a si. Ralkap le an ttuanpi BGF pawl nih KNLA umnak hmun an fuh lengmang hna ruangah kahdohnak a chuakmi hi a si. Anmah umnak hmunram le umhmun in KNU lei nih an rak doh lengmang tawn hna.
July 1 in July 31 tiang Karen ramkulh Mutaw District chung ahcun KNU ralkap buu KNLA le ralkap hi voi 133 tiangte an i kaap cang i kahdohnak ahcun ralkap le BGF chungin minung 165 an thi cang i hliamhma a tuarmi hi 201 an um. Kahdohnak caan chungah ralkap mawtaw 2 cu KNU ralkap buu KNLA lei nih an hrawh piak dih hna.
Kahdohnak ah a sungmi BGF lei in minung 2 nih BGF sinak an chuahtaak i KNU ralkap buu KNLA ah an lut. July 1 in July 31 tiang an ikahdohnak ah KNU ralkap buu KNLA lei in a thi mi an um lo i hliamhma tuar minung 3 an um tiah an tarlangh.
Cu ahcun an mah umnak hmun panh/fuh in ralkap lei nih an va doh lengmang hna tikah KNU lei hi ralrinnak an rak ngei cia peng cu nih cun an dirhmun a rak tthat pi tuk hna nak hi a si.
A Dang Reltthan: Phakanh ah ralhrang le KIA kar kah dohnak a chuak Kachin ramkulh phakanh peng (တံတားညီနောင် ) pawng rungtlang (SumBwi Bum) ah nihin zing lei suimilam 7:00 in 10:30 tiang hrawng KIA ralkap le ralhrang kaphnih kar ah kahdohnak a chuak tiah theih a si.
Rungtlang pawng ralhrang umnak sakhan cu KIA brigade 9, battalion 44 nih an vadoh caah kaphnih kar kahdohnak a chuak tiah Phakanh khuami pakhat nih a chim.
“(တံတားညီနောင်)phak hlan ah KIA nih hriamngan in an kah hna, ralhrang lei sakhan ah a thimi cu an um lo nain hliam cu an tuar theu lai,hriamngan he hriamhme he an thawng pang theih a si ko, zinglei in kahdoh nak an thok hi a si cang tiah thilsining fiangten theih a si rih lo” tiah a chimchap.
Nanhya(နန့်ယား) khua ah um mi ralhrang nih kahdohnak a chuahnak hmun ah hriamngan in kah an bawmhna tiah khuami pakhat nih a chim. Nanhya ralhrang lei nih hriamngan in fakngai an kah hna caah cuka hrawng ah dum a tuah mi, mipi hna cu an thinphang in an um ko tiah khuami pakhat nih a chim.
KIA nih ralhrang sakhan an kah hna nak kong ah thilsining acan ning taktak hi fianghlang in hlat khawh a si rih lo. Phakanh peng, ( တံတားညီနောင်) pawng ah July 14 zaanlei in July 16 ni tiang KIA battalion 44 phu le ralhrang kar ah kahdohnak a rak chuak. Credit: The Chin Post
