Related Articles
Ralhrang a bawmmi, minung 17 cu thah an si cang tiah King Cobra nih an thanh Sagaing ramthen,Khin-U peng chung ah dalan, pyusawthi le ralhrang phu hna a bawmchan tu minung 17 cu thah an si tiah King Cobra-Khin-U nih August 7 ah a langhter.
Cu hna phu cu ralhrang uk duhlo in dohkalh nak a tuah mi hna sin ah hmunkhat te ah tan, mipi lei zong nih ralhrang phu hna he hmunkhat ah pehtlaihnak tuah lo ding in cathanh mi ah nawlnak an tuah.
Ralhrang phu hna he pehtlaihnak a ngei mi hna cu an nun humhimnak ding caah aa-mah-khan piak a si lo hlei ah ralhrang phu nih sunghnak an hmuh hlan lo tiang kahdohnak ah kan lut lai tiah Taw-gyi-muai-hauh(ေတာႀကီးေႁမြေဟာက္) phu in Khin-U phu hna nih an chim.
Phu 7 fonh mi phu an si i, May 10, in rak thok mi phu a si. Khin-U peng chungah ralhrang phu hna eidin le phaisa lei a bawmchan tu hna, thawngpe tu dalan hna le pyusawthi phu chungtel hna an riantuan nak a hma kalkhawh i an tlamtlin khawh nak hnga a bawmchan tu Vuangyi khua(ဝန္ႀကီးရြာ), Aipoahgyi(အိုင္ေပါက္ႀကီး), Awngtirihyat(ေအာင္သီရိရပ္), Ungpinkung(အုန္းပင္ကုန္း), Tayatkan(သရက္ကန္),Kabuat(ကဘြက္),Awngchainta(ေအာင္ခ်မ္းသာ), Yungpin(႐ုံးပင္),Kunggyi(ကုန္းႀကီး), Yauthtuaai(ေယာက္သြားအိုင္), Munghlah(မုံလွ) khua hna le sangchung in an dihlak minung 17 cu thah an si tiah King Cobra-Khin U, phu nih cathanh an chuah. Credit: The Chin Post
A Dang Reltthan: Chinland Foundation nih sing 1000 dih in ni khat ah 40 liter dur 78 a rawn kho mi Oxygen Plant an bunh lai Chinland Foundation riantuannak Chinland for Chin Lives Program hmang in Yangon khua ah tangka sing 1000 dih in 40 liter pawl ni khat ah dur 78 a rawn kho mi Oxygen Plant an bunh lai, tiah kan theih.
Hi Oxygen Plant hi Yee Shin Company he hnatlak in bunh timh mi a si. Yee Shin Company nih thla 2 chung ah a bunhpiak hna lai. Atu hi seh an cah lio. Yangon N. Dagon ah an bunh lai, tiah kan theih. “Hi Plant hi Chinmi caah nunnak chanhchuahtu Pathian thluachuah si hram ko seh, ti hi kan thlacamnak a si.
Hi project tlam a tlin khawh nakhnga ngeihchiah chawva, ruahnak le thlacamnak in a kan telpitu nan dihlak cung ah lunglawmhnak chim cawklo kan ngei,” tiah Chinland Foundation President Rev. NC Thawng Tha Thang nih The Hakha Times ah a chim.
Chinland Foundation hi ralzaam hna le COVID-19 he pehtlai in Chinland for Paletwa, Chinland for Tedim, Chinland for Rakhine, Chinland for Cikha le Chinland for Chin Lives tiin ralzaam hna bawmhnak ah siseh, COVID-19 mizaw bawmhchanhnak ah rian a tuan mi an si, tiah kan theih. Credit: The Hakha Times
