A Si Tak Cang: Falam Peng Khrihfa Biakinn 300 Fai Caah SAC Ralhraang Nih Bawmhnak An Pek Hna

Falam peng krihfa biakinn 300 fai caah SAC ralhrang nih bawmhnak an pek hna Chin state SAC nih Falam pengchung ummi Biaknak saya,pastor le RC father hna bawmhnak pekchannak cu September ni 5/2021 sml 2pm tlukah General Administration Department hall ah an tuah tiah theih a si.

A hmasa bikah Falam District Administration haotu U Saw Tun Win nih biachimnak a tuah hmasa hnuah zung-uk le chungttuan hna nih Falam peng Krihfa biakinn 317 chung in RC father te,pastors hna minung 249 sinah fang dip 63, chiti cuai 123,Mask bawm 20,Handgel dur 20,a dih lakman ah Ks 4482000 cu SAC cozah nih Krihfa biaknak hruaitu hna sinah an pekchanh tiah theih a si.

Mah dih cun RC father Franciss nih lawmhnak bia a chim hnuah Rev San te nih thlacam upnak a tuah. Mah pinah phungki sianginn hna caah bawmhchanh peknak an tuah chap hna tiah theih a si. Krihfa biakinn 317 chungah Father le pastors minung 249 caah Ks 4million fai/a dihlak fonah 301 caah ks 5million cu pekchap le bawmh rih ding si lai tiah Falam distric news nihcun a thanh. Credit: Chinland 7 Post

A Dang Relchih: Khah CDF(Chinland Defence Force) Headquarter lei in SAC nih pekmi rian(Tender) zeibantuk paohpaoh cu October 1 thokin mizeihmanh nih ttuan ti lo dingin cathanh an chuah cang.

Hi Cathanh he pehpar in langhter ka duhmi cu, tutan dothlennak ah hin lungfim taktak kan herh cang(a bikin Chin Miphun). SAC nih rian a pekmi/khinhmi cu na lungthlitum zong a si kho ko, na duh bikmi rian le chungkhar zohkhenhnak caah naa timhmi thil pakhat zong a si kho. Hmanhsehlaw na miphun maw na thim lai mipi nunnak a laa lengmangmi kawl ralhraang dah naa thim lai tutan ah hin biatak tein khurkhua ruah caan a si cang.

Zeicatiah nikhat khat cu SAC ralhraang hi an chan a dih te lai, nikhat khat cu an rawk te lai, nikhat khat cu an ciam te lai, cu caah tutan na lung a fim lo a si ahcun na ningzahnak na phur cawk te lai lo i zaangfah caan timi a um te lai lo Khrihfa kan si caah timi zong a um lai lo. Mah ahcun na lungfim awk a si ko cang. Tam chim hau ti lo.

A tawifiannak in CDF nih an cathanhmi cu kan rak langhter lai “Chinram ah SAC nih a pekmi zei bantuk rian (Tender) paohpaoh October 1 thawk in ahohmanh nih nan ttuan ti lai lo,” ti’n hmanthlak ah Kawl ca he tlamtling tein rel khawh a si.

About admin

Check Also

Mizoram Ah Kawlram Minung A Thattu Pa Pakhat An Tlaihkhawh Cang

Mizoram Ah Myanmar Mi Pakhat A Thattu An Tlaih Khawh: India, Mizoram ramkulh Aizawl ah …

Leave a Reply

Your email address will not be published. Required fields are marked *