Related Articles
Thantlang khuachung kahdohnak ah SAC ralkap 2 an thi September 9, Thantlang khuachung kahdohnak ah SAC ralkap lei minung 2 an thi i, CDF lei an him, tiah CDF-Thantlang sin in kan theih.
“Thantlang khuachung kahdohnak ah SAC ralkap 2 an thi. Kanmah CDF ralkap lei aa hliam khawng mi an um lo. SAC ralkap nih khuachung ah an ruahdamh in hriamngan an kah caah mizapi 4 an i hliam. Cun SAC ralkap nih inn pakhat zong mei in an duah.
SAC ralkap nih mizapi cung ah hnahnawhnak, zaan ih lio ah inn ah luhhnawh i khual cazin chek le mizapi nun himnak a hnursuang mi cawlcanghnak an tuahchung poh cu CDF nih kan doh peng ko lai,” tiah CDF-Thantlang nih an thanh. Tuchun Thantlang kahdohnak ah SAC nih hriamngan an hman caah mizapi inn le lo tampi a rawk mi a um, tiah kan theih. Credit: The Hakha Times
A Dang Relchih: Kylie Jenner nih a voihnihnak fa a pawi cu mipi(fans) pawl sin ah fianternak a rak tuah cang. Fa a pawi tiah thawngpang a rak leen cang bantukin, cawn nihnih ni ah Kylie Jenner nih cun a tlangval pa rapper Travis Scott he a voihnihnak fa a pawi tthan nak cu mipi sin ah fianternak a rak tuah.
Kum 24 lawng a si rihmi, reality star zong a si mi le makeup lei zongah mi lar(mirum) taktak a si mi Kylie nih cun a mah a hman lio mi Instagram ah fa pawi nak video neknawi cu a rak thlah/chiah. Cu ahcun a chung le siseh a tlangval pa Rapper Travis Scott le Kylie hringtu a nu hna zong an lang chih.
Travis Scott le Kylie Jenner nih hin fa pakhat an rak ngei cang i a min ah Stormi Webster(nu) tiah an sak. Tuan ahn khan fa a pawi hlah maw tiah thawngpang le ceihhmai a rak tam bantukin tutan ah a mah Instagram ahcun fiang tein a rak langhter hi a si.
A voikhatnak Stormi a rak pawi lio ah hin a thlithup in a rak um, mipi(public) ah a rak langhter bal lo. Storm a chuah hi kum 2018 ah khan a si i a chuah hnu ni thum hnu lawngah mipi sin ah fianternak/chimphuannak a rak tuah.
