Related Articles
Karen ramkulh Pha An myone Pawh Thaw khua i Mytel phone Tower tung cu September 2, tuzing ah khanghsa in mipi nih an hmuh, bawm tthenkhat hna cu a chung vialte zong a rak kaang dih.
Mytel Tower tung kangh ruangah ralkap nih pawngkap mipi lakin lunghrinhmi minung 4 cu lunghrinhnak nak meimei ruangah an tlaih hna. Mizeibantuk nih dah Mytel Tower tung le bawm hna cu an khangh hna timi kongah thawngfiang theih a si rih lo. An khangh lio mipi nih an hmu hna lo i zinglei suimilam 8 AM hrawng lawngah Mytel Tower a kaang timi cu an theih ve.
Khuami pakhat nih cun “zeitik caan theng ah dah Mytel Tower hi an khangh timi kan thei kho lo. Pawngkap mipi nih hin zinglei suimilam 8 AM hrawng lawngah kan theih khawh. A hnuah ralkap an rak phaan i pawngkap mipi lakin minung 4 cu lunghrinhnak a um ruangah an tlaih hna.” tiah Media pakhat a chim.
Mytel hi ralkap telnak le ralkap phaisa lakluhnak company pakhat a si. Kan hnung zongah Kayah ramkulh i Mytel Tower 2 le Mytel zung cu bomb an rak puah hnawh cang. Ralkap phaisa lakluhnak pakhat a si tikah Mytel cu chiatchuah a tong lengmang hi a si.
A Dang Rel Chih: CDF-Lautu sin ah aa fon mi SAC ralkap pawl cu a herh mi tuanvo lak pin ah tangka sing 50 an pek hrimhrim hna lai. CDF-Lautu nih September 2 ah cathanh an chuah mi SAC ralkap le palek pawl an sin aa fon mi cu a herh mi vialte tuanvo an laak hna pin ah tangka sing 50 cio an pek hrimhrim hna lai, tiah CDF-Lautu he aa naihniam mi pakhat nih a chim.
“Hi kong ah CDF-Lautu nih tangka sing 500 an i ring. Cun, SAC kuttang in a chuak i aa fon mi an um ahcun tangka luut ding dang zong tawlrel lio a si ko. Hihi CDF-Lautu nih an tuah khawh hrimhrim ko lai,” tiah a cunglei upa pakhat nih The Hakha Times ah a chim.
Hi kong ah CDF-Lautu nih September 2 ah, “Kan sin aa fon mi SAC ralkap le palek cu a herh mi tuanvo kan lak hna lai pin ah tangka sing 50 cio pek an si lai,” tiah cathanh an chuah mi kong ah anmah he aa naihniam mi pakhat nih a hmuhning a chim mi a si. CDF-Lautu cu Chin Ramkulh Matupi Peng le Thantlang Peng hna ah a cawlcang mi an si. Credit: The Hakha Times
