Related Articles
Joe Biden Donh A Tong President Biden nih Afghanistan ram in US ralkap hna cu ningcang tein a chuahpi khawh hna lo caah Taliban le ISIS ralhrang nih US ralkap cu an erh-khmuh hna i, ISIS ralhrang nih nunthap in bom an puah i US ralkap minung 13 an thah hna.
Mah hna lak ah a tel vemi, Marine ralkap, Kareem Nikoui ruak humhnak ah President Biden cu Kareem a nu nih rak rat lo ding ah a kham i, President hlun Donald Trump tu a ruak-humhnak ah biachim ding in an sawm. President Biden cu US ralkap Afghanistan in US ralkap le US citizen vialte him tein chuahpi khawhnak dingah zei strategy le plan hmanh a ngei lo caah atu bantuk in kan fale a thihnak a si tiah a thimi US ralkap chung khar hna nih faak pin Biden cu an mawhchiat. Credit: Salai Lairamthang
A Dang Relchih: Pi Vanlalduati Thattu Tiah Zumhmi Cu Tlaih A Si Cang. September 6, 2021 zaan ah Pi Vanlalduati thattu a si lai tiah zumhmi, Lalchawimawia kum 24, Piangtthiauva Tahan F Group, Myanmar khuami, tu ah cun Mizoram Tthangte khua i um mi a si i nihin ah Lunglei Palek nih Lunglei Luangmual ah an tlaih timi kong cu Mizoram Media pawl nih an tarlangh.
Pi Vanlalduati(kum 52) cu a dawr ah naam te he thah a si. CCTV i a langh ning ahcun a sawhtu hi mi tawi/niam lei khi a si i Scooty he a ra mi a si. Special Investigation Team chim ning ahcun Pi Duati thattu hi phuang rih hlah hmanh sihlaw Evidence an ngei ttha ngaingai ti a si.
Lalchawimawia nih hin a naamte cu a mah scooty seat tangah a chiah nain a rak hlonh manh cang tiah palek chim ning cu a si. Lunglei Police press conference cu tuzaan suimilam 8:30 ah Zonet JB1 channel ah le Zonet Lunglei Youtube Channel ah zoh khawh a si lai. MSR
