Khah: CNA/CDF-Thantlang Nih Lungler Sakhaan An Luhhnawh Lio Video A Chuak Cang(+Video)

Kan theih cio bantuk in Lungler Sakhaan cu CNA/CDF-Thantlang i bawm in laak a si ruangmang cang. Hi ikahdohnak ah CNA/CDF-Thantlang nih SAC Ralhraang minung 12 an thah hna tiah tualchung Media nih cun a langhter.

Hi kahdohnak ah hin September 10 zinglei ah CNA/CDF nih an kah hna i September 11 zaan ah an laak khawh hi a si. Cu he pehtlai in Ralhraang nih Lungler Sakhaan kahdohnak ah Jet figher zong a hman. Jet fighter an hman mi hi Tlangcung hriamtlai he ikahdohnak ah an voikhat hman nak a si(theih lo zong si kho) hmanhsehlaw Kan biak Pathian nih a veen hna a thi mi an um lo.

Kan himnak Lungpi tiah Caathiang ah aa ttial bangin Lungler Sakhaan kahdohnak, Jet fighter an hmannak ah a tak in aa phuang kan ti khawh. Chin miphun hi Pathian nih A kan um pi hrimhrim ko. Sakhaan chung um mi ralhriam pawl an laak hnuah Lungler Sakhaan pi an khangh dih tiah thawng zong an thanh chih.

An i kah lio video tete zong Page le group kip ah hmuh cio a si bantukin Sakhaan an luh lio video tawite zong kan rak thil chih. Zoh hna tikah lung a hmui i kan pasalttha hna zong uar an um tuk fawn. Pathian tu nih lam hruai camcin hna sehlaw kuanfang lakin veenghim ko hna seh. Cucu kan thlacam nak cio zong a si.

Note: Hi video hi an laak hnu i Sakhaan an luh lio a si, page kip le group kip ah thlah a si cio cu caah kei cattialtu zong nih ka van thlah ngamnak a si. Lawmhnak tampi he. Teinak kan hmuh hlan tiang Lungrual tein.

About admin

Check Also

Mizoram Ah Kawlram Minung A Thattu Pa Pakhat An Tlaihkhawh Cang

Mizoram Ah Myanmar Mi Pakhat A Thattu An Tlaih Khawh: India, Mizoram ramkulh Aizawl ah …

Leave a Reply

Your email address will not be published. Required fields are marked *