Related Articles
David Lai hi uar a rak um cingcing ko, Kawl ralkap nih Nawlngeihnak an laak hnu in nihin nih tiang dothlennak a tuah tu a si. Ram le miphun zaam tak timi lungput a ngei ve loh.
Ralkap nih nawlngeihnak an laak le cangka in heh tiah miharsa bawmhnak caah tin a kenkip ah hlasaknak a tuah phaisa a kawl i cuticun miharsa a bawmchaan tu a si. A tu video kan rak thlahmi zongah CDF-Mara an si lai tiah zumh an si i cu hna he cun nuam ngang in hla an sa tti hna.
Mi lar ka si, duh/uartu tampi ka ngei timi lungput le ruahnak zeihmanh a ngei lo. Kawl ralkap hi zeitindah an ci kan hmih lai timi lungput a ngei tiah hmuh khawh a si. Midang bantukin ram dang(Mizoram) ah zaam ning tibantuk lungput pakhat hmanh a ngei lo.
Tuak ko usihlaw, zeite a va tuah khawh lo hmanhah CDF pasalttha hna le nusalttha hna caah a aw le zai hmangin a vaa tel khawhmi hmanh khi zeiltuk in dah a sunlawi cang mu. Pathian tunih a aw le zai hmang chin lengmang ko seh. Video kan laak nak hi M. Video Collection a si lai.
A Dang Reltthan: A Dang Reltthan: Hakha, Nazareth Sangmi Cheuchum Hmundang ah an i Thial Hna Zaan 4 chung SAC ralhrang bomb le meithal kuan nih thinphang thlalau in a chiahmi Chin-Oo-Sii, Nazareth sangmi cheuchum nih nihin ah an inn an chuah tak i hmundang ah an i tthial hna, tiah thawng kan theih.
Zaan 4 chung thinphang in an um pin ah nihin chun sml. 2:00 ah an i kap lai timi thawngpang a len caah an inn an chuahtak hna hi a si. Nazareth sang upa pakhat nih, “Suimilam pahnih hnu in an i kap lai tibantuk in thawng diklo a leng i mipi an lau. Zaam an i tim lo nain inn tam deuh cu zaan lei sml. 2:00 hnu in an i tthial pah dih hna.
Zaam ding a si lo tiah kan ruah ko. Kan zaam tik ah ralkap pawl an lawr lai i kan inn kan lo an him lo. Nizaantihni zong ah tawh an hrenhmi inn pakhat ralkap nih an bauh i Laithil kuang khat an lakpiak hna,” tiah a chim. Nazareth sang ah a ummi pastor pakhat nih, “Nihin chun sml. 2:00 hlan ah SAC ralkap nih chuak dih uh a kan ti timi thawngpang a leng. Nawlpeknak catlap ngaingai cu a um lo,” tiah a chim ve.
“Abikin, Mara biakinn rii in thlanglei hi cu inn a lawng pah dih ko. Inn chuahtakmi hi inn 40 hrawnghrang kan si lai. Zaan 4 chung meithal kuan le bomb nih kan inn pawl a khen tik ah kan him ti lo. Cun, bomb puah thawng le meithal kah thawng hrimhrim hi kan celh lo,” tiah a cunglei pastor nih a chim chap. Nazareth sang a chuahtakmi hna lak ah Hakha khuachung chungkhar sin ah aa fonhmi an um bang in inn hlan ding in aa timtuahmi zong an um hna, tiah thawng kan theih. Credit: The Chin Journal
