Related Articles
Nihin Chun ah Thantlang ah Kahdohnak a Chuak, Hliampu le Mithi an Um Nihin chun sml. 1:00 hrawng in Thantlang khuachung ah kahdohnak a chuak i aa hliammi micheukhat an um, tiah thawng kan theih.
Khuami pakhat nih, “Atu cu kahdohnak thawng a dai cang. Aa hliammi le a thimi an um an ti nain fiang in kan thei rih lo,” tiah a chim. Lamkam ah aa thupmi nu pakhat meithal kuan nih a khen i hliamhma a pu, tiah kan theih.
SAC ralhrang lei zong in minung 2 an thi tiah theih a si nain fiang in fehter khawh a si rih lo.
Theihternak: Atulio thil sining kong he pehtlai in na pawngkam thil sining hmanthlak/video kuat khawh kan si. Hi thawngpang kan ttialnak The Chin Journal Chat Box ah le Viber (09989800195) ah kuat khawh kan si. Credit: The Chin Journal
The Chin Post: Chin ramkulh Thantlang khuachung ah nihin September 9, suimilam 1:00 hrawng in kahdohnak achuak, ralhrang phu hna nih khuachung ah hriamhme he hriamngan he hmang in an kah hna caah khuachung in hliamh mi an um, cun inn lo zong a hrawh len tiah theih a si. Ralhrang phu lei in a tlawmbik minung 2 hrawng cu an thi lai tiah khuami pakhat nih a chim.
Puahkeh a chuahnak hmun hi TBC Biakinn hmai le Market hmai le Market thlang lei hna an si, hmuntampi ah puahkehnak thawng cu kan theih tiah khuami pakhat nih a chim. Credit: The Chin Post
