Lung Ahmui Hih: Lungler Sakhaan Cu CNA le CDF Nih An Khangh Dih Cang Pinah Ralhraang Ceilak An Thah Hna

Related Articles

Fanu Mitthli: Na Temh Lai Ning Ka Ruah Hin Ka Celhlo, Na Zei An In Tuknak le Dennak Dah A Fak Bik, A Hnubik Na Mui Zoh Awk Te Hmanh Umlo Lakin Ma An In Hrem Ko

March 23, 2023

Lung A Faak Ko: Mizoram, Saiha Ah CDF Ka Si Tiin Chin Mi Minung (3) A Thah Hna

March 23, 2023

“Kai Thongh Lai Paoh Ah Nuva Siinak Hi Ka Sikhawh Chungin Tuah Kai Zuam” Tiah UFC Champion Hlun Ronda Nih A Chim

March 22, 2023

CDF le CNA nih Lungler Sakhaan an Lak, Ralhrang 12 an Thi CDF-Thantlang le CNA ralkap i bawm in September 10 zinglei ah Lungler SAC ralhrang sakhaan an doh i September 11 zaan ah an lak khawh.

Sakhaan lak kahdohnak ah SAC ralhrang 12 an thi i, CNA/CDF-Thantlang lei in minung 8 an i hliam. “Sakhaan chung i ralhraim pawl an lak dih hnu ah mei in kan khanghpiak hna,” tiah nihin zaanlei ah CDF nih thawngthanhnak an tuah. Credit: The Chin Journal

The Chin Post zong nih tihin a langhter “Lungler ralhrang riahbuk cu CNA/CDF Thantlang nih an lak,ralhrang 12 an thi.CNA/CDF Thantlang in minung 8 hliam an si,ralhrang hriamnam zeimaw lak a si hlei ah ralhrang riahbuk khangh a si.” ti’n an langhter ning cu a si.

A Dang Reltthan: Hakha, Nazareth Sangmi Cheuchum Hmundang ah an i Thial Hna Zaan 4 chung SAC ralhrang bomb le meithal kuan nih thinphang thlalau in a chiahmi Chin-Oo-Sii, Nazareth sangmi cheuchum nih nihin ah an inn an chuah tak i hmundang ah an i tthial hna, tiah thawng kan theih.

Zaan 4 chung thinphang in an um pin ah nihin chun sml. 2:00 ah an i kap lai timi thawngpang a len caah an inn an chuahtak hna hi a si. Nazareth sang upa pakhat nih, “Suimilam pahnih hnu in an i kap lai tibantuk in thawng diklo a leng i mipi an lau. Zaam an i tim lo nain inn tam deuh cu zaan lei sml. 2:00 hnu in an i tthial pah dih hna.

Zaam ding a si lo tiah kan ruah ko. Kan zaam tik ah ralkap pawl an lawr lai i kan inn kan lo an him lo. Nizaantihni zong ah tawh an hrenhmi inn pakhat ralkap nih an bauh i Laithil kuang khat an lakpiak hna,” tiah a chim. Nazareth sang ah a ummi pastor pakhat nih, “Nihin chun sml. 2:00 hlan ah SAC ralkap nih chuak dih uh a kan ti timi thawngpang a leng. Nawlpeknak catlap ngaingai cu a um lo,” tiah a chim ve.

“Abikin, Mara biakinn rii in thlanglei hi cu inn a lawng pah dih ko. Inn chuahtakmi hi inn 40 hrawnghrang kan si lai. Zaan 4 chung meithal kuan le bomb nih kan inn pawl a khen tik ah kan him ti lo. Cun, bomb puah thawng le meithal kah thawng hrimhrim hi kan celh lo,” tiah a cunglei pastor nih a chim chap. Nazareth sang a chuahtakmi hna lak ah Hakha khuachung chungkhar sin ah aa fonhmi an um bang in inn hlan ding in aa timtuahmi zong an um hna, tiah thawng kan theih. Credit: The Chin Journal