Related Articles
Ralhrannak hmun Mungku khua ah Kukanh ralkap nih covid raikhamnak sii chunh piak
Uknak hramhram in a la tu ralkap le Myanmar Democratic. (MNDAA)hna karlak ah kahdohnak a chuak i Mungku peng chung khuate 19 in minung 791 hna cu a voikhatnak covid-19 raikhamsii an chunh hna tiah MNDAA nih a chim. Mungku khua i ralzam hna lakah 100 reng lo sin in covid 19 zawtnak i chonhbarhnak a chuak tiah theih a si. Covid raikham sii hi kum 12 in kum 60 karlak deuh hi an chunh hna.
Cubantuk in Mungku khua ah covid 19 zawtnak a karh cuahmah lio ah cun rallokap nih zawnruahnak ngei lo in. MNDAA cu a kah/ doh peng tiah MNDAA lei in an chim. Shan ramthen chaklei, Mungku khua ah. July thla zarh dongh nak khan thok in rallokap le MNDAA karkak ah kahdoh nak a um i hriamnam ngan mi an hman caah khuachung minung 4 an thi cun minung 1000 hrawng cu rallzam in an um.
A luan cia mi September 26 ah Lashio le Thirih lampi ah mile 11 le mile 12 karlak ah rallokap le MNDAA cu zinglei 9:30 in 10:15 am tiang hrawng kahdohnak a um. Cu kahdoh nak ah cun rallokap lein 3 an thi i 6 hliamhma an tuar. September 27 ah zinglei 3:40 am zongah. Cu ka hmun ahcun kahdohnak a chuak than tiah MNDAA nih a chim. Source: Irrawady
