Related Articles
September 27 lawngah Yangon ramtthen hmun 5 ah bomb voi 11 a puak i mithi pakhat le hliamtuar 3 an um. Bomb puahnak hmun pawl cu Kamayuat, N.Okala, Thakita, Hleku le hlaing myone pawl ah an si.
Video chungah kan rak langhter bantukin tthenkhat Yangon khuapi ah ralhraang hna cu Civil thuam in meithal he mawtaw kenkip cu an kham, an tlerhkhawn hna. Zoh tikah ttih a nung ngaingai. Video hi Click zawn ah hmet law zoh khawh a si lai.
A Dang Relchih: KNU kuttang ah a um mi Likikaw Myo Tit ah SAC uico pawl an rak luh caah thinphang thlalau in an um
Kayin ramthen Myawadi Myo in thlanglei meng 10 tluk a hlatnak Daihnak caah tiin lungphun nak hmun KNU kuttang i a um mi Likikaw Myo ah tuni suimilam 1:30 hrawngah SAC uico cheukhat an rak lut i check hlatnak an ngeih caah khuami hna cu thinphang thlalau in an um tiah thawng kan theih.
A luancia caan tlawmpal ah khan Likikaw Myo ah hin kut tuahmi Bomb an test nak ah a puah hnu, tu bantuk in uico pawl an rak luhnak check hlatnak an tuah hi a si tiin an chim. Likikaw Myo cu Japan ram in hram bunh a si mi Nippon Foundation lam hruai nakin President U Ting Sing chan lio ah Kawlram Cozah le KNU hna nih Ramdaihnak caah tiin an rak dirh mi khua a si.
KNU Tamaha(6) kuttang a um mi Likikaw Myo cu Dopalayia Peng ah aa tel mi a si i, a Sang in Sang (6) a um i, inn 800 hrong an si. Tu bantuk in SAC uico pawl an rak luh caah Likikaw ah khuasa mi hna nih kahdoh nak a chuak suallai tihi an phang ngaingai mi a si. Irrawady
