Related Articles
Myanmar phaisa thonghra ca a ttuh kong ah tulio buai ngai cio a si, theihnak a tlawm ruang ah a sit zong kha a ttuh tiah a ruat i khirh a hmangmi zong kan um hna. Cucaah, aho poah nih a sit le a ttuh kan thleidan khawh a herh ngai cang.
Ralkap nih uknak an lak hnu in an chuah tharmi thonghra ca tlap thar pawl hi a hlun thonghra tlap he an colour an i lo tuk ti lo. A thar cu a ran(white) ning a pin deuh. A tanglei ah 10000 tiah an tialmi cafang zong tam ngai in a hme deuh. A kam lei ah ai dehmi line pawl zong a um ti lo. Nain, hiti ai dan ruang ah a thar hi a ttuh a si tinak a si lo, a hlun he an riantuan khawhnak an i lo ko.
A sit le a ttuh theih khawhnak ding caah a herh bikmi phun 3 ka vun langhter. Mah phun thum lakah phun 2 na zoh ahcun fiang tein phaisa sit le ttuh na thleidan khawh cang lai. Credit: Salai Lungthli Tum
A Dang Rel Chih: Kahdohnak voihnih a chuak rallokap 11 an thi tiah Naypyidaw PDF nih an thanh August 30 ni ah Naypyidaw PDF le rallokap kahdohnak voihnih a um i rallokap lei in minung 11 an thi tiah Naypyidaw PDF nih September 2 ah an thanh.
Naypyidaw PDF Battalion(801) no. (4) le hriamtlai phu dang hna i bawm in Pinmana peng Sikphu tlang le Letphat tlang kar ah rallokap mawtaw hna in an ra i zaanlei 4:00 hrawng ah i kahnak a chuak. Cu hlei ah zaan 7:00 hrawng thazaang tampi he a rak kai mi rallokap mawtaw hna cu an kah hna ruangah rallokap lei in minung 11 hrawng an thi i Naypyidaw PDF lei a hliam mi um lo im hnu kan kir kho tiah an langhter.
Naypyidaw PDF nih atu bantukin rallokap bu hna hi kandoh peng cang lai caah mipi ah dir duh mi hna rallokap CDM luh a duh mi hna cu lunglawm tein kan in cohlan hna i tangka le himnak lei zong ah kan im bawmh hna lai tiah an langhter. Credit: The Chin Post
A Dang Thawng Reltthan: Karen ramkulh Pha An myone Pawh Thaw khua i Mytel phone Tower tung cu September 2, tuzing ah khanghsa in mipi nih an hmuh, bawm tthenkhat hna cu a chung vialte zong a rak kaang dih.
Mytel Tower tung kangh ruangah ralkap nih pawngkap mipi lakin lunghrinhmi minung 4 cu lunghrinhnak nak meimei ruangah an tlaih hna. Mizeibantuk nih dah Mytel Tower tung le bawm hna cu an khangh hna timi kongah thawngfiang theih a si rih lo. An khangh lio mipi nih an hmu hna lo i zinglei suimilam 8 AM hrawng lawngah Mytel Tower a kaang timi cu an theih ve.
Khuami pakhat nih cun “zeitik caan theng ah dah Mytel Tower hi an khangh timi kan thei kho lo. Pawngkap mipi nih hin zinglei suimilam 8 AM hrawng lawngah kan theih khawh. A hnuah ralkap an rak phaan i pawngkap mipi lakin minung 4 cu lunghrinhnak a um ruangah an tlaih hna.” tiah Media pakhat a chim.
Mytel hi ralkap telnak le ralkap phaisa lakluhnak company pakhat a si. Kan hnung zongah Kayah ramkulh i Mytel Tower 2 le Mytel zung cu bomb an rak puah hnawh cang. Ralkap phaisa lakluhnak pakhat a si tikah Mytel cu chiatchuah a tong lengmang hi a si.
