Related Articles
Mtaingmyah ah PDF Nan Si Tiin Mipi 3 Ralhrang Nih An Tlaih Hna. Mtaingmyah ah PDF Nan Si Tiin Mipi 3 Ralhrang Nih An Tlaih Hna. Yangon in Myaingmyah ah a rak tlungmi mi sawhsawh 3 cu PDF nan si ko tiah September 13 zaan suimilam 9:30 pm ah Myaingmyah khualuh hauka chek gate ah ralhrang nih an tlaih hna tiah theih asi.
“Rian herh ah Yangon in a rak tlungmi Maingmyah khua Kaankaw sang ummi Ko Wai Mon Kyaw( Naing Win) le Ko Win Min Aung (Thar Gyi) le Yangon in Ko Myo Lwin Oo( Myo Gyi) hna cu Kayin ram ah ralkap training nan kai ko tiah ralhrang nih hramhram in an puh hna i an tlaih hna hi asi” tiah khuami pakhat nih a chim.
”Mah tein rian herh ah a rak tlung komi Ralkap training zong an kailo. Hlan deuh balte ah Sandah piah ah an i tel ve tawn dalaan pawl nih lih le lih in thawng an thanh hna caah an tlaih hna hi si theo lai” tiah khuami pakhat nihcun a chim chap. Credit: The Chin Post
A Dang Reltthan: U Kyaw Moe Tun Cohlan ding in Chin Zatlang Bu 4 Telh in Vawleicung Zatlang Bu 358 nih UN ah Ca an Kuat
September 14 ah tuah dingmi UN General Assembly ah Myanmar ram aiawhtu UN palai thimnak tuah ding a si i, U Kyaw Moe Tun hi Myanmar aiawhtu UN palai ah pehzul in cohlan ding in Chin zatlang bu 4 telh in vawleicung zatlang bu 358 nih UN sin ca an ttial.
UN ah ca a kuattu zatlang bu 358 lak ah Chin zatlang bu pawl a simi: Chin Community of Auckland, Chin Community of USA-DC Area, Chin Family Group le Chin Leaders of Tomorrow (CLT) an i tel ve hna. UN General Assembly nih Myanmar aiawhtu ah U Kyaw Moe Tun a cohlan nakhnga Myanmar ramchung le vawleicung ram kip ah Myanmar mi hna nih duhnak langhternak zong pehzul in an tuah hna.
UN ah Myanmar ram a aiawhtu ding in palai kong he pehtlai in UN cungtel ram 9 in sermi “UN Credential Committee” nih UN General Assembly ah a chuahpi te lai. Atutan UN Credential Committee chungtel ram 9 lak ah US, Russia le China zong an tel hna.
International Crisis Group ah director a simi Richard Gowan nih, “Atutan Myanmar kong hi fawi tein bia a chat kho lai lo dah. Nicaan zong an thawn khawhmi a si,” tiah The New York Times ah a chim. Credit: The Chin Journal
