Related Articles
Ikahdohnak/ithahnawnnak ngol a si cangnak hnga US Foreign Minister le Thailand Vice Prime Minister nih Kawlram kahdohnak kongah an forh/fial hna.
Kawlram chung ikahdohnak/ituk ithahnak cu khul rang tein nan maak i ningcang loin thong nan thlakmi hna zong kha thlah dingin US Foreign Minister le Thailand Vice Prime Minister nih cun forh/fial hna. US Foreign Minister Antony J.Blinken le Thai Vice Prime Minister Don Pramudwinai nih Washington DC khualipi, United States, September 27th ah khan kaphnih lungtlinnak/lungrualnak in Kawlram ralkap pawl cu an nawl/fialmi hna a si.
Cu pinah an pahnih in Myanmar Affairs ASEAN hruaitu hna nih timhtuahnak an rak ngeihmi pa nga(5) zong hmunkhat teah tlamtlin ter dingin le Kawlram harnak hi kan thin a phaang ko tiah US Foreign Minister nih a chim ning cu a si. BBC Burmese
A Dang Reltthan: Thantlang Khuachung Ngaingai ah Minung 8 Lawng an Taang Thantlang khuapi zaamtak loin khuachung ngaingai ah khuahngak in a ummi hi minung 8 lawng an taang, tiah Thantlang khualuh lai lamthlang ah ngakttah sianginn a tuahmi saya No Mang nih nihin zaanlei ah The Chin Journal ah a chim.
“Atu Thantlang khuachung ngaingai ah cun minung 8 lawng an um cang. Inn 2 in an um. Dawng hnih in minung 3 hi inn khat ah an i fonh. A dang dawng thum in minung 5 hi inn khat ah an i fonh ve i cuticun khua chuahtak loin an um hna,” tiah a chim.
Kawl media ngan cheukhat nih Thantlang khua an chuahtak dih cang tiah nihin chun ah an ttial nain Thantlang ralzaam tawlreltu bu in ttuanvo ngeitu, Thantlang peng sipin haotu Pu Ram Khar le saya No Mang nih cun “Thantlang khuapi chung ah a taangmi minung an um rih ko,” tiah an chim.
Khuachung ah minung 8 an taang i, khualeng deuh ah a ummi saya No Mang ngakttah sianginn ah minung 20 zong an taang rih. Nihin zinglei sml. 10:30 hrawng ah Thantlang khuachung in meithal kah thawngpang minute 30 chung hrawng a thanmi zong saya No Mang te singinn in an theih. Credit: The Chin Journal
