Related Articles
CHRO nih vawilei pi theih in SAC ralhraang thil tuahmi vialte cu report an tuah le cangka Hakha i um CHRO zung cu Ralhraang nih hriamnam he an kulh colh tiah theih a si. Thilri zei maw zat an laak.
Salai Ram Tin Thei nih tihin a langhter “Reign Of Terror” timi min in Ralhrang nih kan ram chungah Nuhrin Covo an buarmi le namnehnak an tuahmi pawl CHRO nih Vawleicung theih in report a vun chuah. Suimilam pakhat a raulo; CHRO Zung- Hakha Branch cu hriamnam tling he an kulh, an baoh dih, thilri zei maw zat an lak, atu hi a cang cuahmahmi asi.
CHRO hi an hriamnam a ngan taktak, a haar taktakl, Ralhrang nih a tih taktakmi an si. Vawleicung ramkip ah Ralhrang a dotdot hna nih nuhrin covo an buarmi pawl an tawka lang lakin Vawleicung mipi sinah a phuangtu an si.” ti’n a langhter ning cu a si i tuhi a cang cuahmah lio cu a si lai dah.
A Dang Reltthan: Mandalay Ramthen ah Zero Phu nih Council ralhraang 12 nak tlawm lo an thah hna Mandalay ramthen Nua Htoo Kyi peng Suphyukung khua sianginn ah umhmun a khuar mi Council ralkap cu Oct. 14 zaan suimilam 10:40 hrawngah luhhnawh in kan kah hna tiah Zero(ပြောက်ကျား)phu nih an thanh.
Meithal ngan meithl hme he luhhnawh in an kah hna. Council ralkap a tlawm bik 12 an thi i hliamtuar zong an um tiah kan theih. Khuami pakhat nih “khua chung sianginn in Bomb puah thawng kan theih, cun meithal thawng zong kan theih. Hliam tuar an um le um lo kan hngal lo. Cuka ah cun Council ralkap 20 hrawng lawng an um. Zinglei suimilam pahnih hrawng in khualu bo ah Council ralkap nih meithal an puah thawng kan theih” tiah a chim.
Ralkap an umnak ah meithal ngan kan puah i Ralkap lei in lehrulnak a um lo, minutes 15 hrawng pehtlai in kan kah hna hnu ah kanmah lei hliamtuar um lo tein kan kir than tiah Zero phu nih an chim. Tuni zinglei ah Nua Htoo Kyi lei in Motor panga Suphyukung khua lei ah an ra ti thawmpang ruang ah khuami cheukhat an zaam tiah kan theih.
Amarahpurah peng Sataw khua zong ah Oct.14 zaanlei sml 5:00 hrawng ah Council ralkap thawng petu pa pakhat meithal in an kah. Kum 40 hrawng a si mi Ko Myo cu a innhmai a thut lio ah cycle pakhat in minung pahnih nih meithal in voili an kah i hliam hma he siizung ah an kalpi tiah kan theih. Laaknak: The Hakha Post
