Related Articles
A poi taktak tawn ko, nihin Thantlang ah a kalmi Fungkah khuapa pakhat cu Thantlang le Sopum kar ah bomb nih a puahhnawh tiah thawng theih a si. Hi tluk ral le kuanfang karlak ah khualtlawn hi cu rak kan suum piak hram ko ulaw.
Min langhter lo mi pakhat nih tihin a chim “Nihin ah Thantlang ah a kalmi Sopum le Thantlang karlak ah Fungkah khuami Pu Thla Lian cu bomb nih a puah hnawh tiah thawng kan theih. A ke ah ai hliam i a fak tuk cu a si lo tiah kan theih. A cycle tu cu ai rawk dih ti awk a si tiah mit hmutu nih a chim.” tiah a chim.
Tutan ral kan dohnak ah hin khuanu khuapa(Civil mi) hi kan rak biapi tuk ve. Hruaitu te thawngthanhnak hi kan ngaih i kan zulh piak hna a herh lio caan a si. Nizaan ah pei thil le rua vialte cu laak khawh a si tiah thanh a si ko kha. Cu caah mipi hi chimh/bia kan ngaih taktak a hau. Tu lio Laitlang boruak he le bang cun Khual tlawn cu i suum hram uh.
A Dang Relchih: A Dang Relchih: Myaung PDF Camp hrampi ralhraang nih an tuk, PDF nih himbawm tein camp an chuah taak khawh Sagaing Ramthen, Myaung Peng rammi rungvengtu ralkap pawl i an camp hrampi cu zahan, October 12 zaan suimilaam 7:00 hrawng ah Council ralhraang pawl nih ralkap thazaang le hriamnam thazaang bungh in an kah hna tiah theih a si.
Ralhraang pawl cu ralkap thuam i hruk lo in, PDF bantuk in an i thuam i camp velchum in ralkap 150 hrawng nih an tuk hna ti a si. Myaung PDF pawl cu camp in an chuak manh i, PDF ralkap dihlak hma a pu mi um lo tein an i thialkaam manh tiah Myaung PDF chungtel pakhat sin in theih a si.
Nihin October 13 zong ah Council ralhraang pawl cu an ra than i PDF camp umnak kiangkap ah a um mi, sualnak ngei lo khuami hna inn pariat an duah tiah tualchung media nih an langhter. Laaknak: The Hakha Post.
