Related Articles
Nihin October 6 2021 ah NUG cozah in ramdang palai pakhat a si mi Dr Sasa nih cun thlakhat leng a dam lo hnuah a dam nak kong le mipi caah ka um zungzal timi kong cu amah Facebook cahmai ahcun a rak langhter.
Dr Sasa nih cun “Dawtmi Miralttha, Hawile le chungkhar pawl nan cungah lunglawmhbia chim ka duh. Thlakhat leng dam loin ka um lio caan ah ka dam zau khawhnak dingin heh tiah thlacamnak he mah le sikhawh tawk cio in nan rak ka bawmh. Tu ahcun nan midawtnak le thlacam piaknak thawngin zawtnak in ka dam fel cang. Teinak zong kan hmu thluahmah cang i zalennak lam ah kan um cuahmah cang.
Zeitluk a muih ko zongah a poi lo, ceunak a chuak tthan hrimhrim lai i teinak cu kan ta a si. Muihnak nih zalen ceunak thuhkhawhnak a ngei lo i, hmunram a ngei lo hrimhrim. Tu ahcun thazaang tthawng ngai in tlangpar ka kai kho cang. Miralttha Myanmar mipi caah ka um camcin lai. Nan dihlak kan dawt hna i, Pathian nih thluachuahnak in pe cio ko hna seh” tiah amah Dr Sasa Facebook cahmai ahcun langhter a si.
A Dang Relchih: SAC phu cung ah azizut (Action lak) ding in Burma Act timi Bill cu US House of Representatives ah an luhpi US House of Representatives ah SAC phu cung ah dantat ding in ” Burma Unified through Rigorous Mailitary Accountability Act of 2021″ cu October (5) ah khan an luhpi tiah thawng kan theih.
“Burma Unified through Rigorous Military Accountability Act of 2021” cu Chairman of the House Foreign Affairs Committee a si mi Gregory W. Meeks (D-NY), House Foreign Affairs Committee; Asia-Pacific Sub-Committee i chungtel a si mi Steve Chabot (R-OH) le Member of Parliament a si mi Benjamin L. Cardin (D-MD) hna nih an luhpi mi a si tiah kan theih.
“Kawlram Democracy kal nak dodal in ralkap nih phungnung loin uk nak an lak hi thla (8) a si cang. US le ramkip nih pressure (hnek nak) kan pek ko hna nain an duh lo pin ah, lai nawnnak le phungning loin mi tleihna te pawl hna cu an buar peng. Zapi tel in ton biaruahnak tuah ding , hramhram in tlerh khonnak ngol ding, an tleihmi hna chuah zalen ding timi cu SAC phu nih an duh lo.US nih cun Kawlram mipi humhimnak pek le thazang pek i, SAC phu nih uk nak an lak mi cu kan pawm mi a silo ti hi fiangfai tein thawngthanh ding tampi a herh” tiah Chairman of the House Foreign Affairs Committee a si mi Meeks nih cun a chim.
“Burma Unified through Rigorous Military Accountability Act of 2021” ah cun Uk nak lak le hramhram in thahnawn nak ah ai telmi vialte, Organization (Phu) hna kha hmui tinh i dantat ding, Kawlram in Lungmansung pawl US ah luhpi nak nawl phihkhar ding, US nih Kawlram caah remhchunnak ruah ti le khanti ding mi palai (1) chiah ding le civil society phu pawl kha bawmhnak pek ding, humanitarian assistance bawmnak pek ding le Rohingya miphun hna cung ah cihloh timhnak hna cu US House of Foreign Department nih cohlan i theihpi ding, UN in thawk i Kawlram cung ah Dantat nak tuah ding timi cu US nih a hal tiah theih a si. Khit Thit
