Related Articles
An Cathanh chuah ning cu tihin a si “Hriamnam bochan in nawlngeihnak cu dik lo takin a laak i ram miphun dih lak le hruaitu pawl nifatin te dik lo ngai in tlaih le thah a hmangmi, ralkap sinak phung le lam a hrawktu, SAC ralhraang nih cun Chin ramkulh, Tuphei khua i sualnak zeihmanh ngei lo mi pahnih cu zaangfahnak zeihmanh tel loin nizaan chun ah an thah hna.
Duh paoh in a cawlcangmi SAC ralhraang pawl nih cun mipi itthumh tawnnak lam thluan kam i khuasa mipi hna cu meithal puah in an hrocer hna hlei ah inn zuat sattil pawl le an phaaknak khua pawl i thilri an duhduh an laak piak hna ti thawng kan theih. Nizaan chun le nihin ah Falam Peng, Rialti khua i Biakinn telh in khua pumpi le Thlanrawn khua i inn 12 bakte cu an khangh piak dih hna.
Hibantuk in minung sinak phung le lam hrawk in ralkap sining leng tiang in a cawlcangmi ralhraang SAC ralkap pawl hi Chin National Organization/Chin National Defence Force (CNO/CNDF) nih cun pehzulh in kan doh hna pin ah tutan thil a cangmi ca hrimhrim ah hin teirul kan cham lai.” ti’n a si.
A Dang Relchih: Ahopaoh Nan Hmuhning Cio Chimnak Nawl Nan Ngei Dih! CNA, CDF, PDF le YDF nih ral an doh tikah mipi nih zakhat ah zakhat in thazang kan pek hna i thla kan campiak hna. Cheukhat cu rawl zong ei kho lo zaan zong it kho loin a rak ummi an tampi ve tawn, an um khawh lo tuk le an ruahtuknak ah a phunphun in anmah khuakhan in an rak khaang ve tawn.
Cutideuh in CNA le CDF hi um hna sehlaw, lungtum hrilh hnawh kho hna sehlaw, cuka zawn tlangpang a remnak ahcun rak bawh kho hna sehlaw, Mizoram MAP meithal khi hlang kho hna sehlaw, tiin an lungduh le siaherh bia kha an chim cio tawn. Cubantuk cu chim phung asi i thlauhrai zong a si lo. CNA le CDF ruahnak nangmah nih na pek hna ahaulo, nangnak fim le thiltheih lawngte an si, tiin ti awk a si lem lo.
Cun hihi pumpak zalawnnak asi ko caah an siaherh bia cu an chim cio ding kha asi ko. Asinain CNA le CDF caah chim lo dingmi thil biapi hna a chim asi le cucu ti bak ding le chim bak lo ding kha asi hnga. Cuka hmun in an rak bawh hna, camp an chuaktak dih cang, cuka leiah an kal lio ti bantuk hna cu chimchim rai asi hnga lo. Cu si lem lomi cuka ah rak bawh kho hna sehlaw a thattuk lai, Varhlei chat hna sehlaw a tha lai, Hakha phakter hrimhrim hna lo ah a tha lai, thihsi dinter viar hna sehlaw a tha lai, asiloah kan ralkap pawl hi san an tlai lo tuk tizong cu a phung viar asi ko.
Minung pakhat nih zalawng tein amah thinlung ummi kha chimnak nawl ngeih dih kan si, atha lei he a chia lei he ahohmanh nih chimnak nawl kan ngeih dih kanmah pumpak zalawnnak bak asi. Amah belte kan ralkap le kan mipi caah a himlomi biachim belte cu hrial bak ding asi. Credit: Chelsea Bawi
