Related Articles
Sagaing ramțthen, Kanbalu peng Kyunhla Myo, Myo laicir Suhpawngzung lakphakti dawr ah tuzing suimilam 7:00 AM ah bomb a puak i, lakphakti a rak dingmi SAC ralbawi Buhmu pakhat, civil pakhat an thi tiah thawng kan theih.
Cu bomb puahnak ruangah cun civil 3 nih hliam an tuar i, tu ah hin cun SAC mi le sa pawl nih Myo an phih i hlathlainak an tuah lio a si tiah theih a si. “Buhmu lakphakti a din lio ah hin bomb a puah hi a si. Civil pakhat zong a thi tiin kan theih. Pathum cu hliam an tuar. A thi mi cu pahnih an si i, pathum hliam an tuar. Tuhi SAC mi le sa pawl nih hlathlainak an tuah lio a si” tiin khuami pakhat nih a chim. Khit Thit
A Dang Relchih:S Taungtha, Nyaung-U le Yangon hna ah SAC thawngpetu le Khuabawi 5 an kah hna i 4 an thi , Yangon Thinganyung zong ah SAC thawngpetu inn bomb in cheh a tong.
Mandalay ramthen, Taungtha Myone, Nyaung- U Myone le Yangon ramțhen, North Dagon Myone hna ah SAC sin thawngpetu tiah mipi ruahmi hna minung 3 an kah hna i 2 an thi tiah khuami sin in kan theih. Mandalay ramțhen, Bagan Nyaung-U Myone U-Yin khua ah tuzing suimilam 8 hrong ah SAC thawngpetu tiah mipi nih ruahmi Thing Zaw Min le an nu cycle an i cit lio ah an kah hna i, Thing Zaw Min le a nupi cu an thi colh tiah kan theih.
“Bagan Nyaung- U Myone, Uyin khua kam ah tuzing suimilam 8 hrong ah khan Dalaan Thing Zaw Min te nupa hna cu meithal in an kah hna caah an nu a thi. Cycle ai citmi Dalaan nupa hna ah anpa cu a thi loh! Meithal in voi 5 an kah caah an nu cu a thi colh, a tuhi SAC pawl an phan i an dah liopi hna a si” tiah khuami pakhat nih a chim.
Cu buntuk in, North Gagon Myothit Myone, Sang (45) nak Pyidawngsuh lampi cung ah September 30 ni zan suimilam 7:30 ah Sang (5) i a um mi SAC thawngpetu tiah ruahmi Cycle carry a tuanmi Ko Chawng timi pa cu a ho ti theihlo mi han nih meithal in an kah caah a thi i, cu thah nawmnak cu Little Heros phu nih an tuah mi a si tiah thawngtheih a si.
Cun, Tinganyung Myone, Thuwanna Sang (25), Yeyathukah lam i a um mi SAC thawngpetu tiah mipi nih ruahmi pa inn cu September 30 zanlei suimilam 4:45 hrong ah kuttuahmi bomb in an cheh i ralrin nak an pek tiah khuami sin in kan theih. Mandalay ramțhen, Taungtha Myone San-U khua ah SAC nih khanhmi Khuabawi U Kyaw San le Daw Yin Țhi hna cu September 30 zinglei sang ah TTA phu hna nih an kah that hna tiah thawng kan theih. Khit Thit
