Related Articles
Mon ramkulh i ralhrangbu uknak tangah riantuan duh ti loin rian dinhnak a halmi khua le sang uktu hhna cu ralhrangbu nih rian dinhnak an onh hna lo tiah theih a si.
Rian dinhnak ca a tialmi khuabawi pakhat nih “Kannih zong thah ton lai kan tih ve cu teh. Pehzulh in rian kan tuan rih ahcun kanmah le kan chungkhar hna caah tih a nung tuk. A caancaan ah cun Dalan, Pyusawhtee sin thawngpetu tibantukin chimceih kan tong. Cucaah rian dinh ka duh tiah penguktu (မြို့နယ်အုပ်ချုပ်ရေးမှူး) sinah ka chim. Cu tikah chuak rih hlah, na chuah ahcun cucu a si lai, khakha a si lai tiah an ka tlerkhonh” tiah a chim.
Ralhrangbu rian dinhnak nawl an onh hna lo lawng a si lo, hrocernak le tlerhkhonhnak bia zong an chim tiah theih si. Khuabawi pakhat nih “Keimah lawng ka si lo. Khuabawi dang hna zong ka ngandamnak a tha lo tiin penguktu sinah an chim cio. Cu tikah penguktu nih kan onh hna lo, a si kho lo. Nan chuah zongah dalan an si lai tiin a phunphun in an in soisel hna lai tiin a kan onh lo” tiah a chim.
Mon ramkulh ah ralhrangbu caah rian a tuanmi khua/sang bawi 10 nak tlawmlo thah an tong cang. Mipi vengtu ralkapbu zong nih khua/sang bawi hna, a rannak in nan rian chuahtak u tian ralrin peknak cathanh an chuah. Ref: Delta News Agency
A Dang Relchih: Ram buainak caantha la i Tlangcung Hriamtlai pawl nih riithaisii an zuar, tiah Min Aung Hlaing nih chim October 16| Atulio Myanmar ram buainak hi caantha i lak in Ethnic Armed Organizations (EAOs) ti mi Tlangcung hriamtlai phu hna nih riithaisii an zuar, tiah SAC phu lutlai Min Aung Hlaing nih a chim.
“Ralkap le Palek i bawm in hriamtlai phu hna kong hi kan tawlrel cuahmah. Cu lio ah EAO pawl nih caantha la in riithaisii an zuar i cucu kan tlaih mi hna zong an um,” tiah Min Aung Hlaing nih Nay Pyi Taw meeting (16/2021) ah a chim, tiin MyanmarPlatform nih a tial.
Atu hi rammi mizapi he pehtlaihnak tha kan ngei i thawngpang an kan thanh khawh lengmang ca ah cu bantuk riithaisii a zuar mi cu tampi kan tlaih cang hna, tiah a chimchap. Credit: The Hakha Times
