Related Articles
PDF (Tamu) le Pyu Saw Htee an i kap; Pyu Saw Htee pathum an thi i tampi hma an pu Sagaing ramthen Kalay- Tamu lam cung ah a um mi Yan Nyein Aung khua le Pantha khua kar Hatcing hlei pawng ah Oct. 14 zanlei suimilam 3:00 hrawng in PDF (Tamu) Battalion No. 3 le Pyu Saw Htee karlak ah i kahnak a um i Pyu Saw Htee pathum an thi, tampi hma an pu tiah theih a si.
Pyu Saw Htee pawl cu Pantha khua Council ralhraang pawl nih hriamnam an pek mi hna an si. An i kahnak hmun in Pyu Saw Htee pawl cu an zaam tiah theih a si. An i kahnak ah Pyo Saw Htee meithal zun hnih le zenthong zeimaw zat, pehtlainak seh thilri pakhat le phone pahnih an lak i PDF lei in hliamtuar um lo tein hnu an kir than kho tiah PDF (Tamu) sin in theih a si. Credit: The Hakha Post
A Dang Reltthan: Pangkhua khuataw Tipi Ah Ralzam Hna A Lak In A Phurtu Pu Hmun Sang Le Pu Bawi Cung Pangkhua khuataw Tipi Ah Ralzam Hna A Lak In A Phurtu TCP Nih Kan Ton Hna: Nizan October 14, 2021 ah khan TCP nih cun Pangkhua khuataw tipi Ralvenchua, Mizoram le Chin ram pehtlaihnak lampi pakhat a simi cu a hmun ah kal in thilsining hlathlainak kan ngei.
Pangkhua khuami Pu Hmunsang le Pu Bawicung hi ralzam an um kaate in Myanmar lei in Mizoram lei ah Lawngin a phurtu an si. Ralzam an hung tam deuhdeuh i tangka a harmi tampi zong an um tawn caah September thla khan a lak tein ralzam hi Mizoram lei ah an thiar hna.
Ralzam hi nifatin cat loin an lut peng i 30, 40 tiang an i peh caan zong a um. Mizoram leiin CDF thilri chanh a herhmi le kir duhmi hna zong man ngei lo tein an phurh piak fawn hna. Pu Hmunsang le Pu Bawicung hi ho bawmhnak hmanh tel loin anmah pumpak i peknak bakin kan miphun caah a tuanmi an si. Ralvenchuah, Pangkhua khuataw tipi ah cun anmah pumpak rian zong kaltak in an riah hnawh. Pu Hmunsang nih cun September thla khan Lawng petrol (datsi) man ah India Rs 50,000 hrawng cu kan dih cang lai, tiah a kan chimh.
Cu hlan deuh i social media ah motor cycle phurhman kan lak, tiah a rak thangmi cu lihbia a si kong le zei bantuk thilri hmanh aman an lak hrimhrim lo kong a chim fawn. TCP nih zei bantuk lungput in dah hi bantuk bawmhnak hi nan tuah, tiah kan halmi cu,”kan unau hna nih an nunnak tiang an pek i an in le lo an ngeihchiah vialte an kaltak lio ah kannih nih man ngeiin kan lawng citte rding cu kan ruat ngam lo, kan miphun ca ah kan tuah khawh vemi a si,” tiah an kan leh.
Nihin October 15, 2021 tiangah hin Mizoram, Lawngtlai District chung ah aa dormi mining 3000 hrawng an um cang. Hi vialte lak i a tam deuh cu Pangkhua khuataw, ralvenchuah tipi leiin a rami an si hna. Credit: The Chin Post
