Related Articles
SAC ralkap Tlangzar khua an phan, Ramthlo khua leihoih in hriamngan voi 3 puah Nihin October 19 zaanlei 3:30 PM hrawng ah Tlangzar khua an phan i a a pawng Ramthlo khua leihoih in hriamngan voi 3 hrawng an puah tiah kan theih.
“Kan khua Ramthlo lei ah rak lanh an i timh caah a si ko lai. Ralrin ti phun in hriamngan hi i puahcia hna sehlaw alo. Motor 30 in 40 kar an si,” tiah khuami pakhat nih The Hakha Times ah a chim. Hi hna pawl hi CNA+CNDF+CDF nih Taal khua pawng hrawng ah an erhtonh mi hna sidawh an si i atu hi Tlangzar khua an phan cang.
Hi kong ah CNF Chimnak Nawlngeitu Salai Htet Ni nih, “Hakha, Thantlang le kan umnak lei an phanh ahcun an him lo, tinak a si ko,” tiah The Hakha Times interview ah a rak chim bal. Tutan Falam Peng Taal khua ah a taap mi hna hi CNA+CNDF le CDF nih an erhtonh hna i motor 60 hrawng chung ah 16 an khanghpiak cang hna, tiah kan theih. Credit: The Hakha Times
A Dang Relchih: Minung kan nunnak ah ngamdamnak hi a biapi bikmi a si bantukin tutan kan rak langhter duhmi cu Nu hna thirat(period) lio fah a tuar khunmi pawl caah zeitindah zaangkhai tein le fawi tein kan i zohkhenh ning a si lai timi a si. Kei hi Doctor cu ka si loh i sii-ai lei thiamsang zong ka si lo nain Doctor te le mithiamsang nih an chim mi chungin a si i a thei cangmi zong tampi an um lai i a thei lo mi zong tampi kan um ve ttheu lai. Cu caah cun tu kan rak langhtermi hi rak rel ve hrimhrim koh.
Nu puitling a si cangmi nih cun thla chiar te hi thi a ngei tawn i cucu mirang nih period an ti. Hi thirat lio caan ah hin tthenkhat caah cun a faak lem lo nain tthenkhat ve caah cun a faak taktak ve nain tam deuh nih a faak an ti deuh ngawt ko. Micheu ca le bang ahcun a fahning an tuar ngaingai i an khua hna a sik chih tawn i a zawt phah tawn hna. Tthenkhat hna nih cun a fahning a tuar kho ngaimi an um ve i cucu minung taksa kan i khah lo nak, kan i dan cio nak hi a si cu caah cun sii-aii(kokek) a ttha ngaingaimi phun hnih ka rak ttial lai.
Ka chim hlan ah Period lio i fahnak kan tuar tuk tikah sii-tlang hna kan din piak tawn, mah hihi a si khawh chungin kan hrial ah a ttha pum caah tthat lo nak a chuahpi kho. Cu Kokek sii ttha ngaingaimi pakhat cu Aii-thing hi a si, aii-thing sii caah cun a tthahnem ngaingai, zeitindah a tuah ningcang a si tiah cun aii-thing kha na par(cheu) lai i sau tuk loin na chumh piak lai a si loah aii-thing kha na phomh piak lai ti sa ah na ciah lai cucu a fe na zet piak lai i, a zatawk tein khuaihliti(honey) kha na cawh lai i na din piak lai, khuaihliti hna na ngeih lo a si ahcun amah lawng khan na din piak tthiamtthiam khawh ko.
A pahnihnak ahcun Sangphaw hi a si. Sangphaw hi nu hna thirat lio caan fah an tuar tuk lio caan ah Kokek thil ahcun sii-aii ttha bakmi pakhat a si ve. Sangphaw cu na cawk lai i na riam hnuah thil rialnak seh na ngeih ahcun na rial dih lai i khuaihliti tthiamtthiam kha darkeu khat hrawng he na cawh chih lai. Khauihliti na ngeih lo a si ahcun rial zong kha a hau lem lo ti khan riam in ei ding a si ko(sangphaw kan ti tikah khan a hminmi a si lai).
Hi Kokek thil pahnih kan rak langhtermi nih hin tampi nu hna thirat lio caan fah an tuar lio caan damnak tampi a pek khawh hna lai. Na thirat tikah rak tuah ve hrimhrim law tthathnemnak zong tampi an pek lai tiah zumhnak a um. Cun thil dang pakhat van peh tthan ka duhmi cu sii-aii zong a si lem lomi, minung kan nunnak ah le dam lo caan ah kan i ziak ngaimi ti lum hi a si.
Ti lum hi a si khawh chungin tampin din khawh i zuam ulaw a si lo hmanhah ti lum kha tilum chiahnak bag an hman tawnmi ah khin chia ulaw, na paang fahnak zawn na laipawng hrawnghraang ah khan na chiah piak lai i tampi damnak lei ah an kalpi hrimhrim lai. Cu caah cun a cunglei i kan rak langhter ning bantuk te khan na thirat caan rak tuah ve law tthathnemnak le tthanchonak tampi an pek hrimhrim ko lai.
Note: Hibantuk thil tete ngandamnak lei hi ttial khawh kan van i zuam lengmang lai. A tu kan rak langhtermi zong hi na rel thlu a si ko ahcun mi tampi nih(nu hna nih) an rak theih, rel khawh ve cio nak hnga SHARE in rak kan bawm ve tiah kan in nawl.
