Related Articles
Rungtlang Ralbawi Motor Mongtu le Pumpak Assistant an Zaam Hakha khua, Rungtlang 266 SAC ralhrang sakhaan ah a ummi Brigader General Myo Htut Hlaing i pumpak hnuzul/bawmtu (Personal Assistant) le a motor mongtu pa
an zaam, tiah CHRO nih a ttial.
“A zaammi hna nih an chim ning ah SAC ralkap i an nupi pawl le an chungkhar pawl zong ralhriam pek an si dih cang. Pu Ngun San Aung zong ralhriam an pek. Ralkap chung ah lungput lei rawhralnak, ttihphannak le nawl zulh duhlonak zong a karh i cu thil sining cu SAC nih thuhnawh an i zuam,” tiah CHRO thawngthanhnak ah an langhter.
“Abiana ah, Sep. 10 ah Lungler sakhaan CDF nih an doh lio ah khan Deputy Commander nih ralkap thazaang chap ding in nawl a pekmi hna cu Thantlang ralkap nih an zul lo. Asinain, Brig-Gen. Myo Htut Hlaing nih cunglei (NW Command HQ) ah lih in report a kuat,” tiah CHRO nih an langhter chap.
SAC North Western Command Center (အနောက်မြောက်တိုင်းစစ်ဌာနချုပ်) ah Deputy Chief (luzik changtu) a simi Brig-Gen. Myo Htut Hlaing hi Rungtlang 266 ralhrang sakhaan ah a um lio a si.
A Dang Relchih: Minung kan nunnak ah ngamdamnak hi a biapi bikmi a si bantukin tutan kan rak langhter duhmi cu Nu hna thirat(period) lio fah a tuar khunmi pawl caah zeitindah zaangkhai tein le fawi tein kan i zohkhenh ning a si lai timi a si. Kei hi Doctor cu ka si loh i sii-ai lei thiamsang zong ka si lo nain Doctor te le mithiamsang nih an chim mi chungin a si i a thei cangmi zong tampi an um lai i a thei lo mi zong tampi kan um ve ttheu lai. Cu caah cun tu kan rak langhtermi hi rak rel ve hrimhrim koh.
Nu puitling a si cangmi nih cun thla chiar te hi thi a ngei tawn i cucu mirang nih period an ti. Hi thirat lio caan ah hin tthenkhat caah cun a faak lem lo nain tthenkhat ve caah cun a faak taktak ve nain tam deuh nih a faak an ti deuh ngawt ko. Micheu ca le bang ahcun a fahning an tuar ngaingai i an khua hna a sik chih tawn i a zawt phah tawn hna. Tthenkhat hna nih cun a fahning a tuar kho ngaimi an um ve i cucu minung taksa kan i khah lo nak, kan i dan cio nak hi a si cu caah cun sii-aii(kokek) a ttha ngaingaimi phun hnih ka rak ttial lai.
Ka chim hlan ah Period lio i fahnak kan tuar tuk tikah sii-tlang hna kan din piak tawn, mah hihi a si khawh chungin kan hrial ah a ttha pum caah tthat lo nak a chuahpi kho. Cu Kokek sii ttha ngaingaimi pakhat cu Aii-thing hi a si, aii-thing sii caah cun a tthahnem ngaingai, zeitindah a tuah ningcang a si tiah cun aii-thing kha na par(cheu) lai i sau tuk loin na chumh piak lai a si loah aii-thing kha na phomh piak lai ti sa ah na ciah lai cucu a fe na zet piak lai i, a zatawk tein khuaihliti(honey) kha na cawh lai i na din piak lai, khuaihliti hna na ngeih lo a si ahcun amah lawng khan na din piak tthiamtthiam khawh ko.
A pahnihnak ahcun Sangphaw hi a si. Sangphaw hi nu hna thirat lio caan fah an tuar tuk lio caan ah Kokek thil ahcun sii-aii ttha bakmi pakhat a si ve. Sangphaw cu na cawk lai i na riam hnuah thil rialnak seh na ngeih ahcun na rial dih lai i khuaihliti tthiamtthiam kha darkeu khat hrawng he na cawh chih lai. Khauihliti na ngeih lo a si ahcun rial zong kha a hau lem lo ti khan riam in ei ding a si ko(sangphaw kan ti tikah khan a hminmi a si lai).
Hi Kokek thil pahnih kan rak langhtermi nih hin tampi nu hna thirat lio caan fah an tuar lio caan damnak tampi a pek khawh hna lai. Na thirat tikah rak tuah ve hrimhrim law tthathnemnak zong tampi an pek lai tiah zumhnak a um. Cun thil dang pakhat van peh tthan ka duhmi cu sii-aii zong a si lem lomi, minung kan nunnak ah le dam lo caan ah kan i ziak ngaimi ti lum hi a si.
Ti lum hi a si khawh chungin tampin din khawh i zuam ulaw a si lo hmanhah ti lum kha tilum chiahnak bag an hman tawnmi ah khin chia ulaw, na paang fahnak zawn na laipawng hrawnghraang ah khan na chiah piak lai i tampi damnak lei ah an kalpi hrimhrim lai. Cu caah cun a cunglei i kan rak langhter ning bantuk te khan na thirat caan rak tuah ve law tthathnemnak le tthanchonak tampi an pek hrimhrim ko lai.
Note: Hibantuk thil tete ngandamnak lei hi ttial khawh kan van i zuam lengmang lai. A tu kan rak langhtermi zong hi na rel thlu a si ko ahcun mi tampi nih(nu hna nih) an rak theih, rel khawh ve cio nak hnga SHARE in rak kan bawm ve tiah kan in nawl.
