Related Articles
Tutan Laitlang ah a rak zuangmi SAC ralhraang pawl cu an i ruahning bantuk a rak si lo hih. Kan Chin ralkap hna nih an phomh lengmang ko hna, nihin ni tiang ah Kan Chin ralkap(hriamtlai) chungin thihloh cu chim hlah aa hliam mi an um rih lo. Pathian thawngin a si.
Nizaan zong CDF-Matupi le ralhraang karlah ah kadohnak cu Matupi le Mindat kar ah a chuak, cu chungah ralhraang lei in minung (2) an thi tiah theih a si. The Hakha Times nih tihin a langhter “Matupi le Mindat kar ah CDF-Matupi nih SAC ralkap 2 kahthah October 15 lio Mindat le Matupi kar kahdohnak ah CDF-Matupi nih SAC ralkap 2 an kahthah hna, CDF lei aa hliam an um lo tiah kan theih.
October 16, 2:00 ah SAC ralkap nih hriam ngan an hman i kum 6 ngakchia pakhat le bomb an do mi aa lamhsual mi kum upa pakhat an thi, tiah CDF-Matupi nih an thanh.” ti’n an langhter ning cu a si. Chin miphun thlacam daithlang hlah usih.
A Dang Relchih: Falam holh cu kan theih cio mi a si ko caah kan rak let lem ti lo, mah caa zonghi Calvary Thang Facebook timeline chungin laakmi a si: Inn urkangsak kan tonnak thu ah Thlanrawn mipi pawl ih kan lungput Ahmaisabik ah ralhrang pawl ruang ih kan tuarnak in tuarpitu le a phunphun ih in tanpitu Leitlun kilkip ih um Laimi nan zate parah kan lung a awi tuk, ti langter kan duh.
Kan Laimi hrekkhat pawl in media group le comment ah siseh mai’h bulpak page ah siseh “cumi, khami pawl ruangah ralhrang pawl in kan Falam peng khua an urkangnak a si,” tivek kan hmu/thei phahphah ih kan thin a nuam lo zet. Thlanrawn khuami pawl cun “CNA/F le CDF pawl nih in hmuhsuam ruangah kan Falam peng le kan ram ngelcel ihsin ralhrang pawl an rak kham ih Falam peng khuate lam pawl in harnak le inn urkang saknak kan tong” tivek lungput neitu pawl hi peng le hnam, ram le miphun duhdawtu ngaingai an si lo tiah kan ruat.
Ziangahtile hivek lungput hi kan Laimi in funkhawm duhnak lungput si lo in huatawknak le thenawknak lungput tha lo sawn a si tiin kan hmu. Tuihtum mitthli tlaknak le sungralnak kan tonnak thu ah kan Thlanrawn mipi pawl in ralhrang pawl le an pu le pawl siar lo mawhthluk mi kan nei lo. Kan rinsan zetmi kan Lai ralkap CNA/F, CNDF, CDF pawl ruangah hivek kan tongnak a si, tivekin ruahnak kan nei lo ih kan rinsan le upatmi kan Lai ralkap pawl kan mawhthluk lo, an parah riahsiatnak le thinhengnak khal zianghman kan nei lo.
Ralhrang pawl cun an inn kan urkangsak ding ih anmah le mah hua aw hai seh, an Lai ralkap pawl hnenah “nanmah ruangah harnak kan tong, kan inn le lo kan sungral ti hai seh la an tumtahmi zalennak le ukawknak co theihlah hai seh,” tiah tumtahmi nei ciamciam in kan inn le lo in urkang saknak a si, ti hi fiangten kan thei. Kan inn neihsun pawl vutcam ih an cang cu kan riahsia in kan lung a kuai ko nan kan duhmi zalennak le ukawknak kan cotheinak ding a si ahcun kan inn le lo le kan ram khal in a tuar ve ko pei cu maw, tiin kan hnemawk ih Pathian thuthawn pakhat le pakhat thazang kan pekawk.
Pathian thawngin kan ram a tha sal ding ih kan ram a that sal tikah Thlanrawn khua pawl in ram hrang ih kan rak tuarnak hi kan Lairam zalennak hrang ral kan donak thuanthu ah a tel ve leh ding sokhaw, tiin thazang pekawknak ah kan hmang.
Thlanrawn khuami pawl cun kan ram a thatsalnak dingah Pathian kan rinsan ih kan duhmi zalennak le ukawknak kan co sal theinak dingah NUG, ram le miphun hrangah a dingtu kan ram ralkap pawl hmuahhmuah ih khawkhannak kan hngohsan ih kan Lairam le Lai miphun hrangah kan Lai ralkap (CNA/F, CNDF le CDF) pawl kan hngohsan sinsin ding. Credit: Calvary Thang
