Related Articles
SAC Council Administrative Member pakhat a si mi Kyaw Nyein cu Mon Hin Kha a ei cuahmah lio meithal in an kah i a hmun ah a thi colh. Mahlaing Township, Meiktila District, Mandalay chung um Council member pakhat a si ve mi Kyaw Nyein cu nihin zinglei suimilam 8:00 AM ah breakfast a ei nak hmun ah an kah i a hmun lila a thi colh.
Hi an kahnak he pethlai in thawngpang theih ning ahcun Monhinkha a ei cuahmah lio ah Meithal aa kenmi minung (6) nih an luhhnawh i an kah i a thi colh tiah Khit Thit Media nih a langhter. Tuzingka Mahlaing SAC ralhraang Office hmai Dawr pakhat ah Monhinkha a ei lio ah U Kyaw Nyein cu Cycle pahnih in minung 6 meithal he an rak lut i
an kah. U Kyaw Nyein cu an kahnak hmun ah a thi, a hnuzul pahnih belte cu hliamhma an pu tiah khuami pakhat nih a chi.
An kah i a thi mi U Kyaw Nyein hi Mahliang Myone i Administrative Council member a si i, Administrative Council i Chairman cu a si lo nak kong cu pakhat nih a chim tthan. Cu ka hmun Chairman cu Soe Min Htet a si. A member pawl hna cu General Htay Than, Kyaw Nyein, Township Police Chief Htein Lin Maung hna an si. U Kyaw Nyein hi cu member sawsawh a si. Ralhraang nih nawlngeihnak an laak hnu in sinaak(rank) zong a kaimi a si, a mah hi ralhraang uknak a ttanhtu/dirpitu a si tiah an chim.
A Dang Relchih: Hakha khua, Rungtlang 226 Ralhraang Sakhan ah ummi Brigader General Myo Htut Hlaing i pumpak hnuzul/bawmtu le a mawtaw mawngtu pa cu nizaan ah khan an zaam tiah media tthenkhat nih an langhter, cu an langhtermi cu nihin zingah SAC ralhraang lei in thawng dik/hman lo a si tiah Irrawady ah an chim.
An zaamnak thawngpang kong he pehtlai in media tthenkhat nih cun tihin an langhter “Hakha khua, Rungtlang 266 SAC ralhrang sakhaan ah a ummi Brigader General Myo Htut Hlaing i pumpak hnuzul/bawmtu (Personal Assistant) le a motor mongtu pa an zaam, tiah CHRO nih a ttial. “A zaammi hna nih an chim ning ah SAC ralkap i an nupi pawl le an chungkhar pawl zong ralhriam pek an si dih cang. Pu Ngun San Aung zong ralhriam an pek. Ralkap chung ah lungput lei rawhralnak, ttihphannak le nawl zulh duhlonak zong a karh i cu thil sining cu SAC nih thuhnawh an i zuam,” tiah CHRO thawngthanhnak ah an langhter.
“Abiana ah, Sep. 10 ah Lungler sakhaan CDF nih an doh lio ah khan Deputy Commander nih ralkap thazaang chap ding in nawl a pekmi hna cu Thantlang ralkap nih an zul lo. Asinain, Brig-Gen. Myo Htut Hlaing nih cunglei (NW Command HQ) ah lih in report a kuat,” tiah CHRO nih an langhter chap. SAC North Western Command Center (အနောက်မြောက်တိုင်းစစ်ဌာနချုပ်) ah Deputy Chief (luzik changtu) a simi Brig-Gen. Myo Htut Hlaing hi Rungtlang 266 ralhrang sakhaan ah a um lio a si.” ti’n nizaan kong thawngpang he pehtlai cun media tthenkhat nih an langhter ning cu a si.
Hmanhsehlaw nihin October 11, 2021 zingah Irrawady nih a langhter ning ahcun thawng dik/hman lo a si. Chinland Defence Force(CDF) an langhtermi kha thawng hmaan lo a si. North Western Command deputy Commander Brigader General Myo Htut Hlaing i kuttang rianttuanmi le a mawtaw mawngtu pa an zaam i CDM an tuah timi kong kha a dik lo tiah SAC ralhraang lei nih Irrawady ah an langhter.
