Related Articles
Nizaan October 1 ah Chinland Defence Force, Kalay-Kabaw-Gangaw lei ah ralkap 3 nih CDM an tuah.Anmah 3 hna lakah ralkap 1 nih hriamnam tling he CDM tuah in kan sinah an rak lut.
Hriamnam tling he kan sinah a rak lutmi cu laksawng peknak zong kan tuah cang pinah anmah 3 hna zong himnak hmun, zalonnak hmun ah kan thlah cang hna. Nawlngeihnak latu Min Aung Hlaing cu kaltak in mipi dawtnak tangnem tangah dor a duhmi ralkap hna cu kan rak in don hna i, himnak hmunah kan in chiah hna lai.
Hriamnam tling he a rak lutmi cu laksawng peknak zong kan tuah tiah Chinland Defence Force, Kalay-Kabaw-Gangaw nih cathanh an chuah. Credit: The Chin Post
A Dang Relchih: Tuluk ram he hawikom si ding in ready kan si tiah NUG Pyidawngsuh Wankyiyoke nih a chim Tuluk ram he hawikom si dingin National Unity Government (NUG) cozah cu ready kan si tiah NUG Pyidawngsuh Wankyiyoke Man Win Khine Than nih a chim.
October (1) ah a cam a si mi, a voi (72) nak Tuluk phunpi ni ah lawmhpinak capar chuahmi ah tu bantukin an ttial hi a si. Cupin ah, Kawlram chung daihnak ding hi Tuluk ram nih a bawmh caah Kawlram mipi dihlak caah Tiluk- Kawlram i pehtlaihnak lam a kan on piaktu Tuluk cozah biakammi cung zongah NUG cozah nih kan i lawm tiah a chim chap.
Tuluk le Kawlram i pehtlaihnak cu Kawlram a hmasabik Wankyiyoke U Nu chan in ai thawk mi a si i, the state councillor rian a ttuanmi Daw Aung San Su Kyi zong nih 2015 ah Tuluk ram ah kal in President Xi Jinping he hmaitonh biaruahnak an rak ngei tiin capar ah cun aa ttial.
Tuluk ram nih a biapi mi ni caan lio ah hin NUG cunglei hruaitu upa hna nih hi Lawmhpi nak capar kuatmi he hin voi hnih a si cang. A liamcia July (1) zongah khan NUG caankarlak President a rak si mi Duwa Lashi La zong nih Tuluk Communist Party an dirh kum (100) tlin lawmhnak caah lung lawmhnak capar a rak kuat ve.
Cu lunglawmh nak capar ah cun Tiluk cozah lei nih phungning lo a si mi SAC he i pehtlai lo dingin a rak forhfial hna i, Tuluk Communist Party nih mipi lungtling mi NUG he i pehtlai in riantuanti kho ding in aa ruahchan timi kha aa ttial. The Irrawady
